Mark 14:1 - ASII LAKDAP Bible (BSI)

¹ Riita kra akhing na Tiichhii Wan Poi nai Pi Maq Shohü Winsii Phaq Poi phaho miika, ranaiq nai lishe asi riito. Kiijaq Ramwe jongbi nai Thungtri shrinketibi raq, Jesuq ka ahukse maq lap raüta, tsea baiq chang nguta mat raü ka shun jam she riito.

Hawa Naga Bible 2001

¹ Majuiuc Tvlvy Wvnc Moalx nuiyc wisiz lomx muq Wanx phauk yaq Azuma Moalx httuiuc muex nuiyq nueyc dvyx shex rax yaq. Kvkaq shomc walaungx bix nuiyc Tvrac tvluingc waz hez rueq Yesu kuex vyumx maq lvp vtueq thvy gay tvkoc lvmx thuiyx wuez tueq.

Muklom

¹ Ulit kut aa kan etho wung moq phan kut aa kan angma saalni sey tong ta. Ajong tingwa tang etho thong tataltey wa tang eq Jesu tha shushu eq lo eq tatik ma lam bita.

Mark 14:1 Referencias Cruzadas

RAPHA HIQWA LAK 37:18

Tsangshiq raq apaiq ka alu na akairai chhito. Kiimaq tsangshiq phana misaüho shaq liipan niili tsangshiq raq apaiq ka atsea chang nguta mat kii ka süto.

Tvtsvmc 52:3

Ümniiraq ahea jaqsham nam ma abi jaqsham ka apa lungwiitlaü kiimaq arot akiq ka tengteng bomtsi thaq na achan lungwiitlaü.

Tvtsvmc 62:4

Namshiq raq apaiq ka aki miikiim ngachang wa tiidea hitbaiq haijaq nguta tankhantlan; namshiq ka arot bom chongsea na polosiqtlan. Namshiq raq ramram bom bomtlan, shatmaq nam tsan mong maq apaiq ka ason riitlan.

Tvtsvmc 62:9

Maiqse ngutlaq ka wiita tsitsü hea tiikai ikha siisaq; ajong ala kiimaq wepuq wese wiita thiihü siisaq. Tsangshiq ka tok na shin raüla, tsangshiq ka chiiphüphüli shaqmii; tsangshiq ka miinan tsitsühea thaq niimin achii.

DUNGWVNC 12:1

Tatiwe raq Mosheq nai Aron ma Ejip mung maq chongto:

LEWI 2:6

Kra winsii ka atiibun riichang. Raüta olip tai ka kriithaq na nyukchang. Laüta ümniiraq honglu ka kechang.

Matthew 12:14

Kriikha miishe, kiijaq nga damti Phorisinok ka ahin na tiidorang she wawanto. Raüta Jesuq kra tsea baiq wan miitu mat-sü tsasü she hong wanto.

Matthew 6:2

“Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Mark 14:12

Pi Maq Shohü Winsii Phaq Poi pha wan ranaiq ka Tiichhii Wan Poi na phaq chang sku setiim ta wan akhing ranaiq riito. Kra ranaiq na Jesuq jaqshisetiim raq, “Ümniima Tiichhii Wan Poi Dung ka ümbano mitiijeho hai?” nguta apaiq ma bom ka waito.

Mark 14:2

Riita tsangshiq liipan na bom ka akha riichong wanto: “Nashiq raq arka, ara Poi liipan bala kiimung chang ka riimak. Poi liipan na kiimung hai jiila, mungmaiqse rai makjaq kharong riijiiq.”

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

Acts 12:4

Petar ka lap raüta phaqtek na shaqto. Raüta, phenlabi kongblai ma tiikheto. Phenlabi ka kongshi na weblailai riito. Herod raq Petar kha ka, Tiichhii Wan Poi lot jaitiq, mungmaiqse man na pho raüta, apaiq ka tiishut baiq raüta tsea baiq ma nguta tiihong thato.