Mark 13:27 - ASII LAKDAP Bible (BSI)

²⁷ Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

Hawa Naga Bible 2001

²⁷ Vpiq rueq raungkamx waz hez kuex ghaq shuk bvlic nuex nvr tvkaz vtueq, ghaq tvsuip maq raungx tvsuip nuex httuiuc laz, vpiq rueq vthvl taq miqsaz htenc kuex tvtuimx taq shuex.

Muklom

²⁷ Etho piq rangkamwa tang mingkang sokthabali konáng takat eq Shkewa utal chol miqtang sha mingkang thun wang rangkang thun nángduk thajoq na.”

Mark 13:27 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

ISAIA 65:9

Ngi raq Israilnok phong wa Juda phan ma achu mishman kuqha. Krai mren tsangsaü tsangse phan raq ara imungtan arwa pum thun kra misiq wan. Ngi raq atiitsang atsea arwanha isenginok Ngi shiililiiti ka kiijaq misinga wan.

JEKERIA 2:6

Tatiwe raq asenginok ma, “Ngi raq namshiq ka barap na tiipin jobaiq kang. Shatmaq ümchaü namshiq munglu shumwi kong ka Bebilon wa chiimjin hotlo ronglaq, lanta Jerusalem na jangho ronglaq.

Matthew 12:42

Phangthum Khapho Ranaiq na Sheba Hokham Nyung ka chap raüta, namshiq she mishra wan. Jamkhano ngukla, apaiq ka tsangmung lam luhea maq wa raüta Solomon taksma tsii chong bomtsi kra taiwa nguta wato. Riita ngi raq chongtiikang arka tengteng. Ümchaü arjaq namshiq makki na juwa sitlaq kriika Solomon taksma nyan thaq na ajong!”

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 13:49

Ara chongtiikai akhiisii hali phangthum akhing ranaiq niimin miraq. Rasetiim ka kiraüta kechu maiqse phong mong kiiwa, ngarai maiqse thun ka wiita adam na mirchom wan.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Mark 13:20

Shatmaq, Tatiwe raq kra chamchao rahiq ka atiitoq riikuqto. Tiitoq kuq mak ngu raü jiika, maiqlai min tiichong mak she khata miraq. Shiikeawe raq apaiq raq atsea wan, asengi kra tiihang kewan miitu, ara chongtlaq chamchao rahiq akhing arka atiitoq kewan wishe.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Mark 13:28

“Namshiq raq phupmup chong wa tsii lam chang bomtsi asi jo. Namshiq raq phupmup chong na, akü ako thun na, ajaq anye she nüm pha wan chhihan jiila, O ümchaü ka raju akhing she saü wanto nguta sap tlan.

Luke 16:22

Ranaiqshi kra miitsan we ka tsaikito. Raüta, rasetiim raq apaiq ka ramungtan na shea wanto. Raüta, Abraham ma jaqtsi nü niishe tiinga wanto. Raüta, apaiq ka ramungtan na phaqsea poi jonghea kra lomdam she nga wanto. Kiimahali, ranaiqshi ka kra chiithe we kriimin atsai hali riikito. Raüta, ama ka alap riito.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

John 10:16

I skukong ka arli ka riimak. Konghin min asi. Kra kong thun kiimin, ngi raq ashea wan chang sitlo. Tsangshiq raq i bom ka mitai. Raüta, tsangshiq tarü ka arüm wanti weshi jaqkhong niishe, kongshi miishe mija wan.

John 11:52

Apaiq tsai tlaq arka, Jehudinok mung miitu lamlam li ka riimak. Shatmaq, Shiikeawe sengi ümchuwa pongmung mung na riinyin shin raüta sitlaq, kriithun ka wiita pumshi ma tiija wan miitu mitsai.

Romans 8:33

Shiikeawe riishe, asengi ma nguta atsea wan kun she sitlaq kriika, ajiq nguta jurshe wa mishra wan lot? Shiikeawe apaiq riishe, tsangshiq dü na, kha ahü she nguta, kha aphoke wan wishe!

TRI CHONGKE 30:4

Kiimaq namshiq ka mangjong hiq raikhü na ratsü rapha mung na anyin baiq rat wa li nguhaü min, Tatiwe namshiq Shiikeawe raq adam na hali mitriitam wan nong. Raüta namshiq ka nam mung na hali mishea wan nong.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

2 Thessalonians 2:1

Riita, ümchaü ka ngi raq namshiq ma, Tati Jesuq Khristo ka misaü kinong. Raüta nashiq tarü ka apaiq rai, adam na mishea wan, nguta chongtlaq bomtsi kriishe tiikhang chongke ro tiikang. Phunainotiim lei, namshiq ma noho ikha chongkuq tiipha ara tai rong laq. Samhea wiq tiitsang tairong laq.

2 Timothy 2:10

Ara ningkhan tiina, ngi ka Shiikeawe raq maiqse angu phong wa, apaiq riishe nguta tsea wan tiiti thun kra miitu, phanrap phanrii litkot chamchao, haikaiq haike, shumraü kharü wiita nin lata, sitiikang. Arka, Jesuq Khristo lümaq kuq tlaq tiichhii wan rilung kra, milap wan laq nguta, raüta tsangshiq raq pattup pat-sa Shiikeawe khushü kra mitiijong laq nguta nin tiikang.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.