Mark 13:24 - ASII LAKDAP Bible (BSI)

²⁴ “Kra mungbrak shaq jai niishe, rashe kaü ka li mak she miraq. Rathup ranyaq she misaü wan. Jipi kiimin limak she miraq.

Hawa Naga Bible 2001

²⁴ “Yix maq kuilc daz jamjaux raungnuiyq htenc nuex, shalx kuex nyauk wvnc vtueq, yapix kuex lez muq shex rvtuex;

Muklom

²⁴ “Iri tsamnang tang thun ang jio, Rangsal sha makti na, etho jappi sha lit moq angna,

Mark 13:24 Referencias Cruzadas

ISAIA 13:10

Ra wa raiqsaiq angu thun nai raiqsaiq kongshi maq khumti kong thun kra wiita chhai mak she mitsaqki. Rashekaü ka dong wan raü min nyaqdokdok miraq. Kiimaq jipi kaü riimin likuq mak she miraq.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

EJEKIEL 32:7

Ümtiikiiwa Ngi raq ümniika tiithenbaiq tiikang, Ngi raq ra ka apang she mirbaiqha. Kiimaq raiqsaiq thun ka wiita milambaiqha. Kiimaq rashekaü ka phumda jai niishe mitiipaü kiimaq jipi kaü riimin likuq mak she miraq.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

DANIEL 7:10

kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

Yoel 2:10

Tsangshiq longwan kiijiila hiq atiikhai banban. Ra dea min atiikhai banban lishe. Ra min kiikuq mak she. Jipi min likuq mak she, ranyaq tangtang lishe. Raiqsaiq dea min chhaikuq mak she.

Yoel 3:15

Rashekaü kaü min kiimak she, jipikaü min limak she. Ranyaq tangtang li she. Raiqsaiq thun min chhai mak she.

AMO LUIK DVP (AMOS) 5:20

Tatiwe ranaiq ka rathup ranyaq wa tangtang miraq, rashekii ka ahü she miraq. Kra rathup ranyaq wa ranaiq miraq. Rawüli nguta ahü miraq.”

Mark 13:23

Arkha maq, namshiq ka honkamshat maq shongnga ronglaq! Ngi raq namshiq ma kra akhing misaü shaq na chongkuq tiipha ara tai rong laq.”

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

2 Peter 3:12

Riita namshiq raq, ara chongtiikai Shiikeawe raq mangjong maiqse kha phoke ranaiq saükai, namshiq raq khewan tlan kra ranaiq ka jaqloli tiisaüho miitu, phanrap namshiq raq lot tlan lan, athuk atsom jaqsham kra sham lanta singa kli shiikut chaq rong laq. Kra ranaiq na ra thun kra wa riishe wiita mikhiim baiq. Raüta wiita mithenki. Kiimaq ra na diim tlaq raiqsaiq jipi thun ka wa riishe khiim baiq raüta wiita ajam mirki.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.