Mark 13:14 - ASII LAKDAP Bible (BSI)

¹⁴ “Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Hawa Naga Bible 2001

¹⁴ “Vkawc yawc suirsac juing tanc khvnc phvnx kuex httax aungx muq baung nuex httax yaq kuex nuimshiq rueq khiz lvp shuinx.” (Luik wvlc lawc jix waz tvkoc tvtsuingc juing vruex lvmz kuex yvmx lac rvtvnx vhvlx waq mtuiuz wuez shueq!) Kvkaq Yuda mungx nuex httaz jix hez kuex ghaq luimx nuex m-yuz wvnc kueq.

Muklom

¹⁴ “Rangsamal Daniel aa batta thimal ‘Chopan raaq’ sha asang haq na lang eq kap khi nin. (Iri phattey usam eq u) Ethi kam tho, bari miqtang Judea na angna ning haqkan ko náng jol ching.

Mark 13:14 Referencias Cruzadas

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

EJEKIEL 44:9

“Ngi, Tati Rakaü Hiqwe raq, tantan maq ngutiikang, maiq juwa atho hanhüti pongmungti, jurwa Ngi aming lang makti, ka i Shomjam na tiiwa mang she. Pongmungti Israilnok rai siti kra dongdii min tiiwa maimak.”

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

DANIEL 12:11

“Ranaiqtek honglu kewan kra tangtabaiq wan jai maq, kriika, Riikhiq Phiiptsi Chang Sumla Kaü shong wantaq kra ranaiq akhing nang nga ngutlo, kra ranaiq maq phawan raüta, ranaiq 1,290 ranaiq na saüli miraq.

DANIEL 8:13

Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Matthew 13:51

“Namshiq raq arthun manphan chongkuq tiikang arka tak tlan sha?” nguta Jesuq raq ajaqshisetiim ma waito. “O tak wan tiikai” nguta tsangshiq raq apaiq bom ka treto.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.

Revelation 13:18

Ara waiqtaq ara liichum tak miitu ka, namshiq taksu maiqse ma jawan raa tlo. Ümriiti wa taksu maiqse, kriiti raq ara ngamthaiq kaü lombot liichum ka mitak lot. Jamkhano ngukla, kra lombot ka maiq weshi mang liichum. Kra lombot ka 666.