Mark 12:9 - ASII LAKDAP Bible (BSI)

⁹ Kra chongkuq raütiishe, Jesuq raq tsangshiq ma bom ka akhiishe waito, “Riita spiqro tati we riika, jamlai she wa mirnya? Apaiq ka kiraüta wakshiiptinok ka wiita mijiip baiqki. Raüta, spiqro ka nanok maiq ahinti miishe mishiip kuq thü.

Hawa Naga Bible 2001

⁹ “Kvkaq sunc taungjix waz rueq yvmx khoc lac ruez gay shvnx? Piq kaz vtueq sunc shap shuimc jix hez kuex thvt gay ruiux, sunc kuex vganc jix muex tvshap kuq gay shuex.

Muklom

⁹ Jesu aa pitta, “Nim aa chamlang tathin inn, ethi sutichi pik tangteywa they thanga chamlang sey na? Piq thu eq ethi jakngiktey thaji miqtang sha tatik chak na etho suti pik sha adak jakngiktey miqtang ma kotna.

Mark 12:9 Referencias Cruzadas

ISAIA 29:17

Riita ija, maiqbom tiihap hong akha asi, jaqlo liipan niili rumnyangkhi binjü thun ka wakjam ram miishe mijaki. Kiimaq wakjam ram thun kriika rumnyangkhi bintang jüngi ma mijaki.

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 17:3

Kiimaq rum na pum thun sitlaq kiijaq shomnoqtlo. Arthun ngarai kha na ngi raq namshiq tsiiq tum nyam tum thun totlan kra wiita namjaqtinok tiiki lata mitiihut wanha. Jamkhano ngukla nam mung hamli na namshiqnok raq ngarai pahea tangwan lan.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 12:45

Krai mren, apaiq ka kiho nong raüta, apaiq thaq na bihea abi winji miishi kriishe sheaki raüta, kriiwe khum na she mishang. Kra thun ka shang wa jai she ka, kriiwe rilung ka aphaji na kra nam ma diikiq tiidearok she miraq. Archong kai chang min ahü she miraq. Ara chongtiikang akhiisii hali, ümchaü pat wa Shiikeawe ngengti maiqse rilung kiimin mithenki.”

Matthew 21:34

Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Mark 12:10

Riita namshiq raq Asii bomtsi na ara chongtlaq arka phat tlan ahiq na. Arjaq akha chongtlo: ‘Jamhaiti raq abi nguta ashthoq baiq longkaü kriika, tarü thaq na ara pinthum longkaü miishe jakito.

Mark 12:8

Krai mren, tsangshiq raq apaiq ka lap ho raüta tsat baiqto. Raüta apaiq ma ka wakphe niishe dobaiq kito.”

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

Romans 10:20

Kiimaq arthaq niimin, Shammi we Isaia riika, Shiikeawe mang na, bom ka atsin miishe hali, “Junok riiwa ngi miitu dadü wan mak dea, kra nok raq khoti ngi ka hum wanto. Junok riiwa ngi ka ritkot wan mak dea, kra nok rai ngi sham riichhi wan kang,” nguta, chongtlo.

JOSHUA 23:15

Shatmaq, apaiq raq namshiq ma jamkhiiwa apaiq kiqkham poshi min tiikhoi mak shiikupi kuqtaq, kra niqriri sii hali, apaiq raq namshiq ma aphiip jiip chang chongkuqtaq, kriithun kiimin, kunkun mitiisaükuq.