Mark 12:36 - ASII LAKDAP Bible (BSI)

³⁶ Asii Wenyi raq rom raüta, Dawit apaiq riili akha chongtlo, ‘Tatiwe raq i Tatiwe ma nguto: Ngi raq ümjaqti thun ka, ümjaq khon mong na mikuq wanha shaq wiiwii, ümniika i jaqtsi nü na ngachang arjaq ngashat li ngalaq.’

Hawa Naga Bible 2001

³⁶ Dawid muex Vsawc Siyac maq tvjungc tueq kuex: ‘Taungjix rueq ngvy Taungjix muex jungx tueq kuex: mralx htenc kuex m-yaz nuiuz nuex ngaz rueq tvy kuy nuex httuiuc laz ngvy yauk keq kox nuex ngaungc kuiuz,’ ngoz tueq.

Muklom

³⁶ Asang Tsija wang David ma tharaaq ma kota: ‘Teyhungwa eq i Teyhungwa ma batta, Nga ba ralwa tang sha ba jaakhung o shing wey moq nángduk nang ijakqha kona tong nu.’”

Mark 12:36 Referencias Cruzadas

2 SAMUEL 23:2

Tatiwe wenyi raq ngi ka rom raüta chongtlo; apaiq bomchong ka inübok na.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Matthew 5:35

Kiimahali, mangjong hiq mang chong laütiimin naq tiitumtakiq. Arka apaiq hok tiida chang. Kiimaq Jerusalem mang chong laütiimin naq tiitumtakiq. Arka Ajong Hokham we, Shiikeawe chela.

Acts 1:16

“Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Acts 28:25

Krai mren she, tsangshiq liipan na arkhii rai she riito. Raütiishe tsangshiq ka wawanto. Shatmaq tsangshiq miwa wan shaq na, Paul raq tsangshiq ma apaiq traho bom chongke ka ara bomtsi armiishe shatkuqto: “Asii Wenyi raq shammi Isaia lümaq namtitiim ma chongkuq thütaq kriika amak na khaqshkhaq she dea hongtha rai wanto!

1 Corinthians 15:25

Khristo raq Hokham kam ka lang chang dang dongdii. Awe raq Khristo jaqti rewe ümchuwa sitlaq kriika wiita khat lot raütiishe, Khristo apaiq jichong na miphong kuq wan. Kiimaq Khristo raq ajaqti thun ka ahok maq nishishi she mini wan.

2 Timothy 3:16

Asii Bomtsi wiitarü ka Shiikeawe raq aheakuq atsitsü raütho siisaq. Krai mren, amet asi maq tengteng bomtsi shrinkuqtlo, arot bomtsi kra sontlo, ajiq thun kra tru wantlo, kiimaq riikhaqli kechu rilung maq si miitu tsii chongkuqtlo.

Hebrews 1:13

Shiikeawe raq rasetiim ashi ra ma dongdii min, “Ümniika ngi ma jaqtsi nü arjaq ngali liishaq, Ngi raq ümjaqti thun ka lap wan lata, ümji ni ma hüda ikha, mitiibum kuq wan ha shaq wiiwii,” ngutiika jangshi min ngu mak dea.

Hebrews 4:7

Arka Shiikeawe raq maiq jai na wati miitu, “Ümchaü ranaiq,” nguta rahiq akhing ka thüshat asi li nguta chongtlo kiiwa sap tiikai. Rawii pahea lea wan jai na, Shiikeawe raq Dawit lümaq asii bomtsi arjaq chong wan kai kiijaq chhi tiikai. Arjaq akha chong tlo: “Namshiq raq Shiikeawe bom ka ümchaü ranaiq tai han jiila, angiim ka naqngiim rongkiq.”

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.