Mark 12:24 - ASII LAKDAP Bible (BSI)

²⁴ Kiijiishe, Jesuq raq tsangshiq bom ka treto, “Namshiq ka ajiq pinthum! Jamlai wa jiqtlan kriika sap tlan sha? Namshiq raq Asii lakdam na chongtlaq bomtsi nai Shiikeawe ningkun ka sapman.

Hawa Naga Bible 2001

²⁴ Yesu rueq, “Nuimshiq kuex kvtanc khvnc yaq wuez vtuinx! Kvruex yvmx ningkhvnc nuex kuex nuimshiq rueq tuiuz vshuinx haz? Rumvrc luik nuiyc Tishox luimc vkawc kuex nuimshiq rueq tuiuz muit ningkhvnc nuex rvtueq.

Muklom

²⁴ Jesu aa ning thima batta, “Nim aa Asang likwit nia Shkewa tarong sha sam min rangma nim tinthin sha rapney jashit!

Mark 12:24 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Hosea 8:12

Ngi raq tsangshiq trantsii wan bomchong, tri raütu pahea khakuq wankang. Shatmaq tsangshiq raq hiqtili ikhli shipoq wanto.

Matthew 22:29

Kiijiishe, Jesuq raq tsangshiq bom ka treto, “Namshiq raq maiq ka ama wa dong wan mak she ngutlan ka ajiq, bintang kata! Namshiq raq Asii Bomtsi kiimin sap man. Kiimaq Shiikeawe ningkun kiimin sap man.

Mark 10:27

Kiijiishe Jesuq raq tsangshiq pha nü na lii raüta akha chongkuqto, “Arka maiqse raq lot chang ka riimak. Shatmaq, Shiikeawe miika jam min harai mak. Shiikeawe riika phanrap milot siisaq.”

Mark 12:23

Riita, ikhiijiila, phangthum akhing na, maiq ama wa dong wan tlaq ranaiq na, arnyung arka, ümriiti we tanyung miishe wa mija nya?” nguta waito. “Ara jamkhano wai tiikai ngukla, tsangshiq siphu wemiishi raq apaiq ka rom wanto.”

Mark 12:25

Ara jamkhano chongtiikang ngukla, maiqse ka ama wa dong wan jai she ka, mungtan wa rasetiim ikhli she misi. Arlam nai arwa ngutiimin ahü she.

Luke 1:37

Krai mren, Shiikeawe raq lot mak chang ngutiika, jamlai phan min ahü.”

John 20:9

Tsangshiq raq kra thun kra chhi wan jai min, Asii bomtsi na, apaiq ka amaa wa dong wan chang dongdii miraq nguta chong tlaq bomtsi kriika takmakli shatshat riito.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

Ephesians 1:19

Kiimaq ara apaiq ningkun tu, nashiq apaiq ma kamtiikaitibi khum na sitlaq ariiraq, jaqshamtlo. Riita, ara ningkun jonghea, nashiq khum na sham wan tlaq ara ningkun miisii li,

Philippians 3:21

Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.