Mark 12:17 - ASII LAKDAP Bible (BSI)

¹⁷ Kiijiishe Jesuq raq, “Ikhiijiika, Roman Hokham we la ka apaiq ma kuq rong liina. Kiimaq Shiikeawe la ka, Shiikeawe ma kuq rong liina,” ngutiishe Jesuq raq tsangshiq bom ka treto. Kiimaq Jesuq bomtre kra tai raüta, tsangshiq ka kai amao riito.

Hawa Naga Bible 2001

¹⁷ Kvkhoc rvtueq Yesu rueq, “Vhvlx, ngoz ruiux kuex, Kesar muex seng yaq kuex, Kesar muex kuq shuinz; Tishox muex seng yaq kuex, Tishox muex yez kuq shuinz,” ngoz tueq tsuingshiq muex jungx kuq tueq. Tsuingshiq kuex vpiq muex pinhtumc wangc wuez tueq.

Muklom

¹⁷ Etho Jesu aa batta, “Etha o Rome Ajong lungwang ràng chamlang aa, lungwang ma kot inn etho Shkewa ràng chamlang aa, Shkewa ma kot inn.” Etho esha tat eq ning rapney patja ta.

Mark 12:17 Referencias Cruzadas

TAKSU LAK 23:26

Ise lei, tsan tiitsi laüta, i rilung lam ara phan laq.

TAKSU LAK 24:21

Ise lei, Tatiwe ka shrenglaq. Kiimaq hokhamwe ma manto laq. Tsangnai kiqkhiiti rai, naq riikongkiq.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

Matthew 22:21

Kiijiishe, “Hokham we mang,” nguta tsangshiq raq treto. Kiijiishe, “Riita ikhiijiika Hokham we rii ka Hokham we ma kuq rong liina. Kiimaq Shiikeawe rii ka Shiikeawe ma kuq rong liina,” nguta Jesuq raq tsangshiq bom ka treto.

Matthew 22:22

Tsangshiq raq ara apaiq bomtre ara taiwi raüta, tsangshiq ka pinthum amao raili she riito. Kiimaq Jesuq tho wa ahin niishe tiidorang wawanto.

Matthew 22:33

Apaiq traho bomchong ka mungmaiqse raq tai raüta, tsangshiq ka pinthum amaoli she riiwanto.

Matthew 22:46

Jesuq raq Phorisinok ma bom waitaq kriika juwe riimin trelot mak dea riito. Kiimaq kra ranaiq miiphat she, maiq wiitarü raq Jesuq ka bomwai thiikho na tiidea la nguta dan mak, ahai she riito.

Matthew 8:10

Jesuq raq apaiq bom ka tairaüta, awang riito. Kiimaq apaiq tro na mungmaiqse ajai phan wantibi thun kriima akha nguta chongkuqto, “Ngi raq chongtiikang arka tengteng! Ngi raq Israil mung na arwe kamasham akha ümchaü niitaq weshi ra min hum mang shaqli.

Mark 12:16

Krai mren, tsangshiq raq apaiq ma kampho siishi ka lamkuqto. Kiimaq, apaiq raq tsangshiq ma, “Riita, ara kamsii na sumla nai maiq mang waitaq arka, ju sumla wa kiimaq ju mang wa?” nguta waito. Kiijiishe tsangshiq raq, “Roman Hokham we,” nguta treto.

Mark 12:30

Namshiq Tati Shiikeawe ka tsan, tsaiji, khutsai kiimaq ningkun wiita kuq lanta lungwii lili ronglaq.’

Luke 20:25

Kiijiishe, “Ikhiijiika, Hokhamwe la ka Hokham we ma kuq rong liina. Kiimaq Shiikeawe la ka Shiikeawe ma kuq rong liina,” nguta Jesuq raq tsangshiq bom ka treto.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 13:7

Arkha maq, namshiq raq jamlai phan phunta kechang wa sitlaq, kra kuq rong laq. Pumsii miitu phunta, kiimaq tachong hupsam phunta jamlai wa ake chang asi, kra wiita kuq ronglaq. Kiimaq tsangshiq tarü ma, shreng manto tiichhi, shiipan pin ka kewan chang, kra wiita khum khum klo ronglaq.

Romans 6:13

Kiimaq, ümchaü sanha, namkhum wa ano ani phushi ra kra dongdii min, ngarai jaqkhon na, abi jaqshi ma tiija miitu ka, like maimak she. Kra rii na, Shiikeawe asii jaqsham kra miitu, namkhum ka amaa wa atiidong wan maiqse sitlaq ikha, wiipumtam maq, Shiikeawe miishe kiinong kuq lanta, si ronglaq.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.