Mark 12:14 - ASII LAKDAP Bible (BSI)

¹⁴ Tsangshiq ka Jesuq phana kiraüta, apaiq ma bom ka akha waito, “Shrinketi we, naishiq raq asap hai, ümniiraq tengtlaq bomtsi ka maklii ashi maq chongkuq tlaü. Ümniiraq maiq ka asham na lii laüta, tseatsiiq maü. Kiqshi maq tri laüta, Shiikeawe bomtsi ka chongkuq tlaü. Riita ikhla, ara chong liita, nashiq raq Roman Hokham we ma phunta kewan arka, nashiq Thungtri na ajiq sha alam wa? Arka nashiq Thungtri na ang tlaq sha ang mak wa?”

Hawa Naga Bible 2001

¹⁴ Tsuingshiq kuex vpiq kox nuex httuiuc kaz vtueq, “Tvluingc waz lex, mnoz kuex miq rueq yvmx wuez tvmaung yaq nguinx wvlc guez dvyx raz tueq, tsuingrux lvmx dvyx mnoz rueq jungx vshuiux kuex nuiyshiq rueq tuiuz yaq. Mnoz rueq miq htvlx phawc thvl muq maq, miq tvkoc Tishox thuinroc lvmx kuex vtsuing vrux maq tvluing kuq vshuiux. Kesar hokhvmx muex hihic kuy kuex naungshiq Tvrac rulc raz muq lac? Nuiyshiq rueq htawc shix shuex, htawc miq lac?” ngoz tueq wiz tueq.

Muklom

¹⁴ Ning piq jamnáng thu eq batta, “Tataltey wa, nang aa asing bat u ta í aa usam eq i. Miqtang aa jashit kap ajo tho etho jaqhal kap ajo tho, nang aa chamlang asing ira hun bat u. Nang aa Shkewa asing lam wang hun tatal u. Í ma batphu, í thong wang Rome ajong lungwang ma í aa phunta kotma khakla ang moq tia ang aa? Í aa kot eq chingti kotching ang moq aa?”

Mark 12:14 Referencias Cruzadas

2 KAÜWA WERAÜ 18:13

Shatmaq Mikaia raq treto, “Atra Tatiwe mang na ngutiikang, ngi riikla i Shiikeawe raq ngi ma jamlai chongtlaq kriili michongha!”

2 KAÜWA WERAÜ 19:7

Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”

NEHEMIA 9:37

Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

Tvtsvmc 120:2

Ngi tiichhiilaq, Tati lei, arot chongtibi nai laophabi maklii wa.

Tvtsvmc 55:21

Abom sum ka krim ikha jeadang danghea, shatmaq atsan mong niika ransu asi; abom ka namman ikha nyeajokjok hea, shatmaq nepjasai phong ikha sihea hantlo.

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Matthew 22:17

Riita ikhiijiila ümchaü naishiq ma chong liita, ümniiraq jamkho tiima tlaü? Nashiq raq Roman Hokham ma phunta kuq tiikai arka nashiq Thungtri maq ajiq sha alam wa?”

Mark 12:13

Phorisinok raq nai Herod sengibi raq, tsangshiq phong wa, maiq wiijamti ka, Jesuq phana tiikito. Kriika tsangshiq thiikho na, Jesuq ka tiithap haijaq nguta tiikito.

Mark 12:15

Shatmaq, Jesuq raq tsangshiq thiikho thu tlaq kra achhi kha maq, tsangshiq bom ka akhiishe treto, “Namshiq raq ngi ka, namshiq thiikho na jaram tiithap wa tan tlan? Kampho siishi ka lam wan liita, lii i.”

Mark 14:45

Krai mren she, Judas ka saüwa saq raütli, Jesuq tho na chapsaq riito. Raüta, “Shrinketi we le!” nguta bom wanto. Raütiishe, apaiq raq Jesuq theaphi na anü maq shupsaq shupto.

Luke 20:22

Riita, ümchaü ümniiraq naishiq ma bom poshi chong liita, nashiq raq Roman Hokhamwe ma phuntake kriika, nashiq Thung- tri na hong tlaq sha hong mak wa?”

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

Romans 13:6

Mungtu shiilangbi ka Shiikeawe raq ashong. Kriikha maq, tsangshiq raq mung peng tlaq kriika, Shiikeawe jaqsham. Krai mren, namshiq raq tsangshiq ma phunta kuq tlan.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

2 Corinthians 2:2

Ara jamkhano chongtiikang ngukla, ngi riishe namshiq tsan tiibiha jiika, ngi tiichochiti ka jushe wa miraq? Namshiq riili dongdii ngi ka tiichochi chang.

2 Corinthians 4:1

Shiikeawe raq apaiq lungwiitsii jaqkhong maq, naishiq ma ara Tsütsa Ahea ara chongke wan jaqsham kra kewan kha maq, ara jaqsham wan lam maq naishiq ka akhiismin tsaiji tran mai phan maq shiichaq tiikai.

2 Corinthians 5:11

Khristo raq ranaiqshishi ka nashiq tarü tiikham raüta, apaiq rung na mitiichap wan nguta asap hai kha maq, tsan na tiihaishat maq sitiikai. Arkha miitiina, naishiq raq nanok ma Tsütsa Ahea ma kamwan ronglaq nguta, tiima tsantsii wüjangjang maq tsangshiq ka trantsii chong kuq tiikai. Ngi ka juwa kriika, Shiikeawe raq kunli asap. Kiimaq ngi raq tiima wan kla, namshiq riimin, ngi ka samhea wiq asap han ahiq nguta tiima tiikang.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

Galatians 2:6

Kra akhing na, ümriiti wa phungtu thaq na, ashun asheatibi sitiikai lii nguta tiichannei rai tlaq tibi kriika, ngi raq asap man sap mang. Tsangshiq ka wela sha jarai tla, jamak wa kriika, ngi ma jamlai akhek riimak. Shiikeawe raq, maiqse ka asham na lii raüta, maiqshaq nai maiqkhü ngutiika chechiip mak. Kriika, tsangshiq welabi nguta sitlaq kra ngo nangnga ngutiikang. Kiitiikaq, kra chong tiikang welabi raq, ngi ma jamlai phan anye sungkhu tsiilam chongke wan, akhiijo ihiq jo nguta, ngi ma jam min chongkuq mak dea.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

1 Thessalonians 2:4

Kra rii na, Shiikeawe raq naishiq ma, jamkho chongkuq tlaq, kra phan phan, naishiq raq maiqse ma chongkuq tiikai. Ara jamkhano ngutiikai ngukla, Shiikeawe raq ara Tsütsa Ahea ara chongke miitu, naishiq ma tawun ka akhamke kun she. Naishiq riika, maiqse tsan tiihea miitu ka chong mai. Shatmaq, naishiq tiima tsantsii ajiq alam shinti, Shiikeawe tiichochi miituli, ara Tsütsa Ahea ara chongkuq tiikai.