Mark 12:12 - ASII LAKDAP Bible (BSI)

¹² Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

Hawa Naga Bible 2001

¹² Yuda walaungx bix rueq Yesu kuex lvp tvkoc hung wuez tueq, yvmx khoc lac ngoz ruiux lec bomc tv-ngvlc vruex kuex tsuingshiq nuex tvhungx vtueq ngoz kuq tueq kuex tsuingshiq rueq tuiuz tueq. Yuq muinz tsuingshiq kuex mungx miqsaz muex hiz ningkhvnc nuex vpiq kuex gay shec ruiux dung kaz wvnc wuez tueq.

Muklom

¹² Jehudi solwa tang aa Jesu tha tatik ma nuk ta chammatakoi ning aa sam eq ta, iri raaqshiton raa Jesu aa ning rangma bat aa. Etharin miqtang thima ning ucho angta, rey ning aa piq tha shingchak eq ethiwang qhing chuwang ta.

Mark 12:12 Referencias Cruzadas

Matthew 21:26

Shatmaq nashiq raq, ‘Maiq raq akuq,’ nguta ngu hai jiika, mungmaiqse ma hai chang asi; Jamkhano ngukla, mungmaiqse raq Johan ka shammi we nguta asap.”

Matthew 22:22

Tsangshiq raq ara apaiq bomtre ara taiwi raüta, tsangshiq ka pinthum amao raili she riito. Kiimaq Jesuq tho wa ahin niishe tiidorang wawanto.

Mark 11:18

Ramwe jongbi nai Thungtri shrinketibi raq ara jaqsham wantaq kra tsütsa ka taito. Raüta, tsangshiq raq apaiq ka atsea baiq ma nguta tsangshiq raq lamlu she ritto. Mungmaiqse ka apaiq traho bomchongke kra tairaüta kai amao riito. Kriikha maq, tsangshiq ka ahai she riito.

Mark 11:32

Shatmaq nashiq raq, ‘Maiqse arang maq,’ ngu hai jiila…” (Tsangshiq ka mungmaiqse ma ahai kata. Jamkhano ngukla, Khamlamketi we Johan ka, shammi nguta mung maiqse raq sapshat.)

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

Luke 20:6

Shatmaq, nashiq raq, ‘Maiqse raq akuq,’ nguta ngu hai jiika, arjaq thung tlaq mungmaiqse raq, nashiq ka long maq mitiiq baiq. Jamkhano ngukla, tsangshiq raq Johan ka shammi we dea nguta asap.”

John 7:25

Jerusalem wa mungmaiqse wiijamti raq Jesuq ka akha shinchong siqto. “Mung rümtibi raq arwe kaü arka atsea baiq chang nguta rit wan tlo riimak sha?

John 7:30

Kiijiishe, mungmaiqse phong wa maiq wiijamti raq apaiq ka alap riilai nguta danto. Shatmaq, jurmin apaiq dü na jaqkaiq maq sham lot mak riito. Kriika, apaiq ningthoi akhing misaü shaqli kha maq tsangshiq raq apaiq ka laplot mak riito.

John 7:44

Kra akhing na maiq wiijamti riika, apaiq ka alap riilai nguta danto. Shatmaq, apaiq dü niika juwe riimin jaqkaiq maq sham li ka sham mak dea.