Mark 11:33 - ASII LAKDAP Bible (BSI)

³³ Kriikha miishe, tsangshiq raq, “Naishiq riiha sapmai,” ngutiishe Jesuq bom ka treto. Kiijiishe Jesuq raq, “Ikhiijiika, ngi riimin, arthun ara ju arang mo sham tiikang, kriika chongkuq mang,” ngutiishe tsangshiq bom ka treto.

Hawa Naga Bible 2001

³³ Kvkhoc rvtueq tsuingshiq rueq Yesu muex vhtaq maq vtvralc, “Nuiyshiq rueq tuiuz miq,” ngoz tueq jungx tueq. Yesu rueq, “Vruex yauk shuimc htenc kuex yvmx vkhangx maq lac ngaz rueq shuimx vshaungx lvmx kuex ngaz rueq muinz nuimshiq muex jungx kuq mauk,” ngoz tueq tsuingshiq muex ngoz kuq tueq.

Muklom

³³ Ethi rangma ning aa Jesu ma batta, “Í aa sammi.” Jesu aa ning thima batta, “Irimal ang ajo nga chamlang authority wang somlo ang sha nga tho nim ma batpha mong.”

Mark 11:33 Referencias Cruzadas

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 56:10

Apaiq raq ngutlo, “Welabi tlotli, namshiq ka isenginok ma hon atsii chongketi nguraü, namshiq ka makchuk kong siisaq! Tsangshiq raq jamlai min saptsin mak. Tsangshiq ka jamkheti kuku kong aso min somak ikha. Tsangshiq ka akonseali kiimaq rawa ma na lin konseali. Tsangshiq ka akonseali polotlo!

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 21:27

Kriikha maq tsangshiq raq, “Naishiq ha sap mai, Johan ma arang ka ju raq akuq wa,” nguta Jesuq bom ka treto. Kiijiishe, Jesuq riimin, “Ikhiijiika ngi riimin, ju aming mo arthun ara sham tiikang, kriika chong mang,” nguta tsangshiq bom ka treto.

Mark 11:32

Shatmaq nashiq raq, ‘Maiqse arang maq,’ ngu hai jiila…” (Tsangshiq ka mungmaiqse ma ahai kata. Jamkhano ngukla, Khamlamketi we Johan ka, shammi nguta mung maiqse raq sapshat.)

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

John 3:10

Kiijiishe Jesuq raq treto, “Ümniika Israil mung na shrinketi we ajong ashi. Kra riishe, ara bomtsi ara saplot maü jiika ja she wa michong i?

John 9:27

Kiijiishe, apaiq raq treto, “Riita, welabi lei, ngi raq namshiq ma chongkuq kang she ihata. Shatmaq, namshiq raq i bomchong ka tairo man. Riita, namshiq raq thongnai ka jam ngutiiwa wai tlan? Namshiq min apaiq jaqshisetiim ma jawan ka ro tlan sham na?”

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

2 Corinthians 3:15

Kriika ümchaü akhing na dongdii min, ümtiikiiwa tsangshiq raq Mosheq Thungtri lakdap ka phat tlaq, kra khea phu raq tsangshiq khutsai ka pangshat li pang tlo.