Mark 10:52 - ASII LAKDAP Bible (BSI)

⁵² Kiijiishe “Walaq, ümkam tsantsii maq heaki laü she,” nguta Jesuq raq apaiq ka thaüto. Kiimaq, amak ka tiidoqra heakisaq she, heakito. Kiimaq, apaiq raq phanrap aheawiq she chhito. Kiimaq apaiq raq, Jesuq jai she phan wanto.

Hawa Naga Bible 2001

⁵² Yesu rueq, “Khuemx kaz kuiuz, mnoz kvmluimx vtuiux kvraq mnoz kuex tvhvlc gay kv-phux,” ngoz tueq piq muex jungx tueq. Kvruex waz kuex kvkaq dvyx vmuik maq khiz wvnc vtueq Yesu kaz yaq lvmx nuex phvnx laq naungx tueq.

Muklom

⁵² Jesu aa piq ma batta, “Ka u, ba kam wang nang qhal tu!” Jaktha piq aa ukhi sey ta, etho piq aa Jesu jiji phan ta.

Mark 10:52 Referencias Cruzadas

Tvtsvmc 146:8

Kiimaq makchukti ma mak tiipiiqkuqtlo. Apaiq raq juwa hiq na riwantiiti ka ra na ado riikuqtlo; apaiq asengi kechu maiqsebi ka lungwiitlo.

Tvtsvmc 33:9

Ümtiikiiwa apaiq kiq tiideataq, mangjong hiq ka dungto; apaiq aming maq phanrap dongto.

ISAIA 35:5

Makchukti raq min michhi she, kiimaq nibiiti riimin mitai she.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 12:22

Kra akhing na maiq wiijamti raq abi winji raq akaq, maiq weshi ka amak min achuk kiimaq anü min atang we kra, Jesuq phana shea wanto. Jesuq raq kriiwe thatsi ka tiihea kuqto. Krai mren apaiq ka abom she dongto, kiimaq amakpo kiimin piiqkito.

Matthew 15:28

Kiijiishe Jesuq raq apaiq ma akha treto, “Ümnaq ara kamasham na ajong nyung ashi! Ümniiraq jamlai wa jaütlaü kriika mikuq she.” Krai mren kra akhing niili she ase thatsi ka heasaq she heakito.

Matthew 21:14

Kiimaq maiq pahea makchukti nai akü ashiiti thun ka, apaiq phana Shomjam mong na wato. Kiimaq apaiq raq tsangshiq thatsi ka tiihea kuqto.

Matthew 8:3

Kiijiishe, Jesuq raq ajaq maq atsiti we dü na ashamho lam maq, “Ngi raq ümniika chhiijiike rotiikang! Ümchaü li heakikiq,” nguta apaiq bom ka treto. Krai mren, apaiq thatsi ka heakisaq li heakito.

Matthew 9:22

Jesuq raq ajai nü na liisaq raüta, “I se loi ümtsaiji ka tiijong laq! Ümkam tsantsii thütlaü kra lümaq heaki laüshe,” nguta apaiq rai bomdamto. Krai mren apaiq thatsi kiimin tiidoqra heasaq heakito.

Mark 1:31

Krai mren, apaiq ka wa raüta, ajaq maq atsiti nyung jaq na sham saq raüta tiichapto. Kiimaq atsi ka heasaq li she heakito. Krai mren, jamtinyung ka tsangshiq ma, tashong wachaq she honghoto.

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Mark 8:25

Kiijiishe Jesuq raq ajaq maq, amak na hali sham nongto. Kra lak na amii we riika, tsangrakrak miishe liito. Kiimaq amak ka khangriirii she hea wanto. Kiimaq apaiq raq phanrap ka khangriiriihea she chhi wanto.

Luke 7:50

Shatmaq, Jesuq raq jechak nyung ma, “Ümkam tsantsii raq ümkhum ka chhii wanto she. Ümchaü sanha hansang miishe walaq,” ngutiishe chongkuqto.

Luke 9:48

Raüta tsangshiq ma chongto, “Liirong laq, jurwa ara nonose ara, i mang na tao tlaq, kriika ngi tao tlo. Kiimaq jurwa, ngi tao tlaq, kriika ngi tiikaiti we kra tao taitlo. Ara jamkhano akha chongtiikang ngukla, namtsam phong na, juwa aran pinthum nguta sitlan, kriika wiitarü thaq na ajong pinthum.”

John 9:32

Rapha hiqwa maq pha wan raüta, ümchaü ranaiq niitaq, maiqse ashi anyung pukdong makchuk adong we mak ka tiipiiq kuqto nguta, tsütsa ka tai mai shaqli.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’