Mark 10:5 - ASII LAKDAP Bible (BSI)

⁵ Kiijiishe Jesuq raq treto, “Mosheq raq namshiq ma ara tri raü waiqkuq thütaq arka, namshiq tsantsii ka tsinhea, atiitsii lot chang riimak ngo kha maq, ara waiqkuq thüto.

Hawa Naga Bible 2001

⁵ Yesu rueq, “Nuimshiq muex tvluingc kuy tvkoc nuimshiq thuinz tsanc hvlc ningkhvnc nuex, piq rueq nuimshiq tvkoc vruex tvrac kuex wuiyq shec tueq.

Muklom

⁵ Jesu aa ning thima batta, “Moses aa nim ma irimal thong kota phin chammatakoi nim tin sha rapney tsey ta.

Mark 10:5 Referencias Cruzadas

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

Matthew 19:8

Jesuq raq treto, “Mosheq raq namshiq ma chakmiim aming kuq wantaq kriika, namshiq tsantsii ka tsinhea, atiitsiilot chang riimak kha maq ara aming kuq wanto. Shatmaq rapha hiqwa akhing na, akha ka ahü riito.

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

TRI CHONGKE 24:1

“Bom shiiton maiq weshi raq jechak nyungshi ka milam. Shatmaq alam jai miishe apaiq raq achak ka romang she nguta mithap thi wan. Jamkhano ngukla apaiq raq kriinyung rong arai ka romak. Kra ningkhan apaiq raq kriinyung ma amiimbaiq lak kra waiq raüta, kriinyung jaq na mikuq. Raüta kriinyung ka ajam wa mijobaiq.

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

TRI CHONGKE 9:6

Ümtsan na tiitsang dada thülaq, Tatiwe raq ümniima ara hiqpo hiq win mung kuq wantlaq arka ümniika maiqshaq we ümniiraq lap wan thek raüta kewan ka riimak. Riimak. Kriika riimak. Ümniika ka nilan pinthum.