Mark 10:33 - ASII LAKDAP Bible (BSI)

³³ Apaiq raq tsangshiq ma akha chongkuqto, “Tai ronglaq, nashiq ka Jerusalem na kitiikai. Kiijaq Maiq Se ka ramwe jongbi nai Thungtri shrinketibi jaqkhon mong niishe mishaphaq baiq. Tsangshiq raq apaiq ka atsea baiq chang nguta matkii misü. Raüta, Pongnok phan maiqse jaqkhon mong na misha phaq baiq.

Hawa Naga Bible 2001

³³ Vpiq rueq, “Tay shuinz, naunghez kuex Yerusalem nuex dung waung wvnc vtix, kvruex yuq Miq Saz vruex kuex shomc walaungx bix nuiyc Tvrac tvluingc waz hez yauk nuex lekuy gay rvhumc tuex. Tsuingshiq rueq vpiq kuex vthueyc nuex htvp htaz ruiux Pungnuk phvnx yauk nuex tvshuk kuq gay shuex,

Muklom

³³ Piq aa ning ma batta, “Hiqtang Jerusalem náng kat jio, ajong tingwa tang etho thong tataltey tang thaji kara eq Miqna Sa sha lo na. Ning aa piq sha tatik ma shingna etho Gentile tang jaknáng kochak na.

Mark 10:33 Referencias Cruzadas

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 26:66

Namshiq raq kha ka jamkhii she wa mitan han?” Kiijiishe tsangshiq mung welabi raq, “Apaiq ka shutto dea. Kriikha maq apaiq ka atsai chang she,” nguta bom ka treto.

Matthew 27:2

Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Mark 14:64

Apaiq raq Shiikeawe man na, riikhiq pinthum ashut she bomtlo. Arka namshiq mungtubi raq tai lan she kata. Riita, ümchaü min, namshiq raq tri ka jamkha toqtan chang ngutiishe wa tiima tlan?” ngutiishe phowebi ma waito. Kiijiishe, tsangshiq tarü raq, apaiq ka tiishutto. Krai mren, apaiq ka atsai chang nguta kha ka tanto.

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Mark 9:31

Jamkhano ngukla, apaiq raq ajaqshisetiim ma tsii chongke chang riito. Apaiq raq tsangshiq ma chongto, “Maiq Se ka maiqjaq mong na mikuq baiq. Tsangshiq raq apaiq ka atsea mirbaiq. Shatmaq, apaiq ka ranaiqtsam jai maq, adong mirwan nong.”

Luke 23:21

Shatmaq, tsangshiq raq apaiq bom ka tiipatsaq hali, “Apaiq ka pumsongkham na tübaiq ronglaq! Tübaiq ronglaq!” nguta gitrang wan nongto.

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.

John 18:32

Arthun hongtha wan taq arka, Jesuq raq apaiq tsai lamlu ka kongkhu ji maq tiithaitaq bomtsi kra tiiku miitu she hongtha wanto.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.

Acts 20:22

Riita, ümchaü sanha, ngi ka Asii Wenyi raq shunshea tlaq kra phanphan, Jerusalem niishe kiho tiikang. Kiina saüho hajaq, ngi ma jamlai phan litkot chamchao rathaiq rahai wa misaü, kriika ngi raq ümchaü chonglot mang.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.