Mark 10:30 - ASII LAKDAP Bible (BSI)

³⁰ ara mangjong hiq amiili, achu shiiman pahea milap. Apaiq raq aroq ashi maq pat raüta, ajam, aphu ano, ashea nyungtiim, anyungtiim, asetiim kiimaq wak thung jan dam pahea milap. Kiimaq achamchao thun min mirhum. Kiimaq mungtan saüho tlaq akhing na, apaiq raq pattup rilung milap wan.

Hawa Naga Bible 2001

³⁰ vruex pat nuex vguirc vguenc rvhumc yaq rulc vdvmz, yuimx vwuik, phuz vnox, vsaz vshvlx, vnyuiuz vwaz, suiuz vsaz, htenc mvnz shashiz htauk nuex muinz vjvnc lvp wvnc shuex.

Muklom

³⁰ piq aa juk shashey him, uno tang nia una tang, nu nia wa, usa tang, pik nia haq tang iri thaji sha tahikham jamoq iri mungna kap na etho pattuk rollung tho ukap eq na.

Mark 10:30 Referencias Cruzadas

2 KAÜWA WERAÜ 25:9

Kiijiishe Amajia raq shammiwe ma waito, “Shatmaq ngi raq tsangshiq jaq maq kampho kuqbaiq kang kriiha?” Shammiwe raq treto, “Tatiwe raq ümniima kriithaq niimin apalin mikuq lot!”

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

TAKSU LAK 16:16

Chaq nai seng riichom nam miika, taksu tsii nai nyan phaqchi tsin chang. Arka rahea pinthum.

MALAKI 3:10

Namshiq aroqkhu honglu ümchuwa sitlaq kra, kunkun Shomjam na kuq ronglaq. Krai mren, kiijaq aphaq asea chang phan ka chamtraq ama miraq. Namshiq raq ngi maitai rong laq, ngi raq ramungtan kilü ka linham linhok lata miraü kuq ha. Phanrap phanrii achu shiiman phongtsoktsok she mikuq ha.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 13:8

Shatmaq tsamlai wiijam ka hiq awin wiq ba na rokto. Krai mren tsam ka aheawiq dong manto. Kiiwa tsamnyam wiijam na, nyamshi niili rai shishi shi dongto. Kiimaq tsamnyam wiijam niika, nyamshi niili rairoqtrok rok dongto. Kiimaq tsamnyam wiijam niika, nyamshi niili rairoqtsam tsam dongmanto.”

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Luke 18:30

kriiti riika, Shiikeawe jaq wa ümchaü pat ara jiimin apa milap wan. Kiimaq jai na saüho tlaq pat na pattup pat-sa rilung milap wan.”

John 10:23

Shomjam tro ruk wangmong na, jolitiip setiim min asi. Tiip ashi mang ka Solomon Jolitiip. Jesuq ka kra Solomon Jolitiip rinkea na ahai sia khumshkhum riito.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 16:25

Shatmaq, rawa, wathung wakham na, Paul nai Silas ka achu jaü, kiimaq ashi ange Shiikeawe tiitsam kam sea she riito. Kiimaq kiijaq phaqtek mong na sitibi shumwi ahinti thun kra riika, tsangnai raq achu jaü nai ashi ange shinge tlaq kra taisea riito.

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

Romans 5:3

Nashiq riika nashiq chamchao tiikai ara miitu min, tiishom ra tiikai. Ara jamkhano ngukla, nashiq raq asap i, chamchao walü riika, anin wan ningkun ka ache miishe mitiija wan.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

2 Thessalonians 2:16

Riita, ümchaü sanha, nashiq Tati Jesuq Khristo apaiq pumsii maq, kiimaq Shiikeawe, Nawe Shiikeawe, nashiq lungwiiti we raq, kiimaq nashiq ka apaiq kaphap khoqramkii maq keishat maq, awokhong na tiisi raüta rümti we raq, jangshi min kiimwiiq tiichhan mai phan maq, apaiq lamphan na siwan miitu, srea nola tsantsii li mikuq laq. Kiimaq apaiq saükai khe laita siwan miitu pharangrang ran tsantsii mikuq laq.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

1 Timothy 6:6

Tsiiq anyam maiqmii jaq na ümchuwa asi, kriili hong raijiiq nguta, tsantsii asii maq siti miika, kamasham rilung ka chiithe jong rilung ashi.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.