Mark 10:24 - ASII LAKDAP Bible (BSI)

²⁴ Ara tai raüta, ajaqshisetiim ka akiinyii she riito. Shatmaq, Jesuq raq tsangshiq ma akha chongkuqto, “I setiim le, Shiikeawe Mungtan na nyap wa ka hahea pinthum!

Hawa Naga Bible 2001

²⁴ Sangac bix kuex kvruex kvjaz kvmac vkawc yawc rvwuez tueq, yuq muinz Yesu rueq tvhttoarc vtueq tsuinghez muex jungx yek tueq, “Isaz hez lex, Tishox Mungtan nuex nyuip kuex gvrc hvlc nyix!

Muklom

²⁴ Etharin tat eq ujiphantey tang rapney patja ta, etharin Jesu aa batta, “I sa tang, Shkewa mungtan náng nop ma rapney hal aa!

Mark 10:24 Referencias Cruzadas

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

Tvtsvmc 52:7

“Liironglaq, arwekaü ka hansang maq si miitu Shiikeawe ma lam mak, shatmaq atsiiq tum miili kamto kiimaq abi kiimung kli apaiq khupwongti nguta kamsiqto.”

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

TAKSU LAK 11:28

Jurwa maiqmii tsiiqtum ma kam raüta sitlaq, kriiti ka lamsesat pejaq roktlaq ikha mirokki; Shatmaq kechu maiqse ka, raju nyiimjaq nümwa ikha miraq.

TAKSU LAK 18:11

Shatmaq chiithe maiqse riika, tsangtsiiq tum ka, chela kiitelong ruk ikha, tsangkhum chhiiti nguta tiimatlo.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

JEREMIA 9:23

Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

HABAKUK 2:9

“Phiiptsi chang jo ümniima! ümniiraq ümjamkun ka, mattsiiq tsa tsiiq maq, chiithe ma tiija wan laü. Ümniiraq ümjam ka liihawe chü ikha, raqkha khu na hai wan laü. Chiqse rewe raq thin wa mak, mirlaq nguta!”

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Matthew 19:25

Ajaqshisetiim raq ara tai raüta, tsangshiq ka pinthum awang raili she riito. Kiimaq, “Riita ikhiijiika juli she wa mitiichhii wan lot?” nguta apaiq ma waito.

Mark 1:27

Kra chhi raütiishe, nokwe ka kai awang rai lam miishe, “Notsam arwe ara juwa? Ara tsütsa chongtlaq arka anye ngo chang nya? Apaiq raq tha min tiidoq mra jobaiqtlo nya!” ngutiishe riibomto.

Mark 10:23

Kiijiishe, Jesuq raq ajaqshisetiim pha nü na lii raüta nguto, “Chiithe maiqse ma, Shiikeawe Mungtan nyap wan ka pinthum hahea!”

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

John 13:33

I setiim lei, ngi ka namshiq rai alu ka simang she. Namshiq raq ngi mirit han. Ngi raq Jehudinok welabi ma jamkho chongkuq kang kiikha, ümchaü namshiq miimin ara bomtsi ara chongkuq tiipha ara, ‘Ngi ümbano wawan tiikang, kiijiika namshiq ka wawan lot man mirhan.’

John 21:5

Kiijiishe, “Jerobi lei, namshiq raq ngiq phanshi ra min lap man dea sha?” nguta apaiq raq tsangshiq ma waito. “Ahü, siirairai,” nguta tsangshiq raq apaiq bom ka treto.

John 6:60

Apaiq jaiphan wanti maiq apako raq, ara traho bom chongke ara tai raüta, “Ara chong tlaq tri arka tsinhea. Arka juwero milanglot?” ngutiishe riibomto.

Galatians 4:19

Mangchan i setiim lei! Bliiq biishi chong tiikang ara tiitsang tairong laq! I tsan mong na, namshiq miitu chapa tsi ka, anyung raq ase chii na, nowüchhi tsi chamchao tlaq ikha, Jesuq Khristo rong arai ka, namshiq rilung na chhi mang shaq wiiwii ka, ara nowüchhi tsi arka, tsi ruq li mitsi.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.

1 John 4:4

Shatmaq, i setiim lei, namshiq ka Shiikeawe rii she. Kiimaq namshiq raq arot shammibi thun ka tang lanshe. Jamkhano ngukla, namshiq khum na sitlaq Asii Wenyi kriika mangjong hiq na sitlaq winji kra nam ma ajong pinthum.

1 John 5:21

I setiim lei, arot phra thun wa namshiq ka tiiwongshat maq si rong laq!

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.