Mark 10:17 - ASII LAKDAP Bible (BSI)

¹⁷ Kiimaq Jesuq nai ajaqshisetiim ka tiido wan raüta awa rai, lam niishe riito. Kiijaq maiq weshi ka tlat chhat ju raüta, Jesuq khaki na, kaütsrong na ngasaq raüta, “Ahea Shrinketi we, ngi raq pattup rilung lap miitu jamlai jaqsham chang wa miraq?” nguta apaiq ma waito.

Hawa Naga Bible 2001

¹⁷ Yesu kuex vkhuemc tvkoc dung kaz yaq nuex, miq vshiz vpiq kox nuex yuz vtueq, vpiq khaungkac nuex kuix tsvrung nuex bumx ruiux, “Vhvlx tvluingc waz lex, pattup pat-sac rullungx lvp laz juing ngaz rueq yvmx ruec juing lac?” ngoz tueq wiz tueq.

Muklom

¹⁷ Jesu tunshat eq ukat angma ang atho, ashey miq jol eq piq jakho na langku o tong eq piq ma pitta, “Aqhal tatalteywa, pattuk rollung kap rangma nga chamlang som ching aa?”

Mark 10:17 Referencias Cruzadas

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

Matthew 17:14

Jesuq nai ajaqshisetiim ka jangho nong raüta, mungmaiqse phong phana saükikiita, kiijaq maiq weshi ka Jesuq jichong na alakü maq ngasaq riito.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 28:8

Krai mren, tsangnai ka makho maq taülaükhiq li she wawanto. Kiimaq tsangnai ka tsanko miika ahai kiimaq tsanko miika achochi riito. Raüta tsangnai ka ajaqshisetiim ma tsütsa kra chongwa aju lam maq witwit wawanto.

Mark 1:40

Maiq weshi ka ashong thatsi riito. Apaiq ka Jesuq phana kito. Raüta, kaütsrong na ngasaq raüta, “Ümniiraq mangchan haü jiila, i khum ara mitiisii kuq lot haü,” nguta tiipaiqneato.

Mark 10:18

Kiijiishe Jesuq raq treto, “Ümniiraq ngi nangnga ahea ngutiika naq ngukiq. Shiikeawe lamlamli ahea.

Mark 12:14

Tsangshiq ka Jesuq phana kiraüta, apaiq ma bom ka akha waito, “Shrinketi we, naishiq raq asap hai, ümniiraq tengtlaq bomtsi ka maklii ashi maq chongkuq tlaü. Ümniiraq maiq ka asham na lii laüta, tseatsiiq maü. Kiqshi maq tri laüta, Shiikeawe bomtsi ka chongkuq tlaü. Riita ikhla, ara chong liita, nashiq raq Roman Hokham we ma phunta kewan arka, nashiq Thungtri na ajiq sha alam wa? Arka nashiq Thungtri na ang tlaq sha ang mak wa?”

Mark 9:25

Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Luke 10:25

Kiimahali, Thungtri shrinketiwe ashi raq, Jesuq ka tiishut ma nguta, “Shrinketiwe, ngi raq pattup pat-sa tsitsü lap miitu ka, jamlai phan jaqsham chang wa miraq?” nguta waito.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

Acts 16:30

Kra miishe, apaiq raq Paul nai Silas ka kinphai na sheaho raütiishe, tsangnai ma, “Shiilang we nai, riita ngi raq i khum ara tiichhii miitu jamlai phan jaqsham chang wa miraq?” nguta tsangnai ma waito.

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

Acts 20:32

“Riita, ija, ümchaü sanha, ngi raq namshiq ka Shiikeawe khoqram kii maq ta thü tiikang. Kiimaq apaiq kaphap tsütsa wura mong na tiiham thü tiikang. Shiikeawe khoqram kii nai apaiq kaphap tsütsa raq namshiq ka jaqkhaq shat maq mitiichhan chhi kuq wan. Shiikeawe raq achu shiiman ümchuwa asetiim miitu rüm tlaq kriimin namshiq ma mikuq.

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Titus 3:7

Ara raükhokkhok kuqtaq arka, apaiq kaphap mangchan khoqramkii maq, nashiq ka kei raüta, Shiikeawe rai wehea she tiija wan raüta, apaiq wokhong na tiisi wan miitu kuqto. Krai mren, nashiq raq ranphan tiikai pattup pat-sa rilung kra milap wan laq nguta kuqto.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

1 Peter 1:4

Arkha miitiina, nashiq raq mongngam maq, Shiikeawe raq asengi ma kewan miitu achu shiiman alüm alei, jonghea tiije thü tlaq kra, milap rong i she dongdii nguta khekham maq sitiikai. Shiikeawe raq kra achu shiiman tum thun kra, namshiq miitu ramungtan na thü tiije tlo. Kra achu shiiman thun kriika, ariim kai chang phan ka riimak. Kriika ümtiikiimin riimki mak phan. Kiimaq athen min thenki mak phan. Kiimaq amiinu ka ajomkai chang phan min riimak.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.