MALAKI 3:3 - ASII LAKDAP Bible (BSI)

³ Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

Hawa Naga Bible 2001

³ Vpiq kuex kuimphox diq tvsawc jenx jix waz ikhoc httuiuc kaz vtueq khac phox shuex. Kuimphox nuiyc kuimshawx jenx jix waz rueq kuimphox nuiyc kuimshawx kuex jenx yaq ikhoc Yehowa kamx waz rueq shomc waz bix kuex tvsawc nawc shuex, kvkhoc ruez yaq lvmz kuex shomc waz bix rueq Yehowa kox nuex rvkhauk laz shomc kuy juing phvnx htenc kuex lvmc lvy tvkoc rvtueq.

MALAKI 3:3 Referencias Cruzadas

Tvtsvmc 116:17

Ngi raq ümniima kechutum honglu mikuqha; lata ümniima ngi achujaü honglu mikuqha.

Tvtsvmc 4:5

Riikhaqli honglu thun ka Tatiwe ma kuq ronglaq, lantea Tatiwe ma kam ronglaq.

Tvtsvmc 4:6

Maiq pahea raq akha achu jaütlo: “Naishiq ma apapa achu shiiman laq, O Tatiwe lei. Naishiq ka lungwiikhiq ma liilaq!”

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

Tvtsvmc 51:19

Kra nguraütiq ümniika riikhaqli honglu thun kuqtlaq kriima michochi haü; kiimaq naishiq raq chaqtlii-honglu thun kuqtiikai kriima michochi haü; kiimaq üm berongwacha na minsaü pongwe thun ka honglu na mitaakuq wan.

Tvtsvmc 66:10

Ümniiraq naishiq ka maitai laü, Shiikeawe lei; kampho ngam ka wa na chaq raüta chentlaq ikha naishiq ka chen wan laü.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

TAKSU LAK 25:4

Kampho wa adaiq ka achen riibaiqlaq; raüla tiiqwe raq hupsam tsomhea milo.

ISAIA 1:25

Ngi raq namshiq khuthaq na kha ka atsin miishe mipho wanha. Jin ka khitiip na wa maq shu raüta jamkho jindaiq tiisiibaiqtlaq, kiikha namshiq khum kriimin wa maq shulata mitiisiibaiqha. Lata namshiq khum wa ashe ashi thun kra wiita mitiisiibaiqha.

ISAIA 48:10

Ngi raq ümniika chamchao wa maq chaq lata chen wan kang, kampho ka khiwa maq chentlaq ikha chenkang. Shatmaq Ngi raq ümniika thiihü chhikang.

ISAIA 61:6

Kiimaq namshiq ka Tatiwe ramwetiim nguta misap. Nashiq Shiikeawe jaqshisekong miraq. Namshiq raq maiq mung thun wa Tsiiq tum thun kra misiq han Kiimaq kriithun ka namshiq riishe nguta mitiisom rahan.

JEREMIA 9:7

Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

EJEKIEL 20:38

Ngi raq namshiq liipan wa jurwa ibom taimak, lanlaqlaq ikiq khiitibi kiimaq ngaraibu sitlaqti thun ka alam mirbaiqha. Ngi raq tsangshiq ka ümchaü ümbano shongatlaq kra mung thun kiiwa akhot she mirbaiqha. Shatmaq Ngi raq tsangshiq ka Israil mung niika tiijang shea wan mang she. Kiijiishetiq namshiq raq Ngi ardea Tatiwe nguta misap han.”

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

DANIEL 12:10

Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

WEAWEA 8:6

“Lewi phan ka Israilnok mung maiqse phong wa pong na raithülaq. Laüta tsangshiq khum ka atiisii riilaq.

Luke 3:16

Kriikha niishe, Johan raq tsangshiq ma bom ka akha tiitsang chongkuq nongto, “Ngi raq namshiq ka kham miili lamkuq tiikang. Shatmaq, ngi thaq na, maiq ajong ashi saüho tlo she. Ngi ka apaiq hokpa raü kra shatketi we dise khan min thek mang. Apaiq raq namshiq ka Asii Wenyi nai wa miishe kham milam kuq.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

2 Timothy 4:6

Riita, ümchaü ka, i rilung ara ramram chang chekok ikha, honglu na raüke wan miitu akhing ka saü wato she. Ara mangjong hiq ara baiqthü miitu, ngi ningthoi ranaiq ka saü wato she.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 12:10

Nashiq ma han-ngam na awetiim raq, nashiq ka jaqlose miituli tsatson tlo. Kriika tsangshiq maklii na, jamlai wa ahea nguta tiima tlaq, kra khuthaq maq tsatsontlo. Shatmaq, Shiikeawe raq trantsii tlaq arka, nashiq raq Shiikeawe, apaiq asii arai rilung kra riisha lap dam miitu tsatson tlo.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”