Luke 9:58 - ASII LAKDAP Bible (BSI)

⁵⁸ Kiijiishe, Jesuq raq abom ka, “Miikakoi miika abum chang asha asi. Kiimaq peshap wushi sitlaq kra miimin, achhü ka asi. Shatmaq, Maiq Se miika, rawa mak tiichuk chang wuchüse ikha dongdii min jam ahü.”

Hawa Naga Bible 2001

⁵⁸ Yesu rueq, “Shoalx htenc kuex vbumc juing ghaq luix vhttax, wushawx htenc muinz vdaungc juing httax yaq, yuq muinz Miq Saz vruex kuex khux tvdvl juing doc muinz lvp muq,” ngoz tueq jungx tueq.

Muklom

⁵⁸ Jesu aa thawel batta, “Inkaku tang ma ubung atha, etho wo tang ma utip atha, etharin Miqna Sa ma uwol etho nángtong angma katáng ahung.”

Luke 9:58 Referencias Cruzadas

Tvtsvmc 84:3

Wuraichaqse kong riidea min achu kiijaq haitlo, kiimaq tsakklailu kong riimin tsangchü hai raüta sitlo, tsangshiq raq asetiim ka üm berongwacha thun tho na thütlo, Tati Ningkun Ajongwe, i hokhamwe kiimaq i Shiikeawe lei.

Matthew 13:32

Riita ara jücha lai arka wiitarü thaq na rairanse lai phan pinthum. Shatmaq ümtiikiishe wa acham ka jonglu wan tlaq, kra jücha chong ka sangchong wiitarü thaq na chong jong pinthum she jongkitlo. Kriikha maq, kra chong nyiim tsung mong na wushi riimin achü she hai wantlo.”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.