Luke 9:56 - ASII LAKDAP Bible (BSI)

⁵⁶ Kra miishe, Jesuq nai ajaqshisetiim tarü ka maiqhiq shong ahin niishe lamjap wawanto.

Hawa Naga Bible 2001

⁵⁶ Kvruex yimaq Yesu nuiyc vpiq sangac bix kuex ghaq ganc nuex kaz wvnc tueq.

Muklom

⁵⁶ Etho Jesu ni ujiphantey tang tha adak qhim náng kata.

Luke 9:56 Referencias Cruzadas

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:11

Jamkhano ngukla Maiq Se kriika maiqse amo arki thun kra chhii kai nguta kito.”

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 5:39

Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

Luke 22:51

Kiijiishe, Jesuq raq, “Hongjiiq she, atin li she!” nguta tiiwinto. Apaiq raq maiqwe nilok ka ajaq maq shamto. Raüta, ani mi ka tiihea kuqto.

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Luke 9:55

Kiijiishe, Jesuq raq tsangnai phanü na lii raüta sonto.

Luke 9:57

Tsangshiq ka wanhiq na kai lam na akai rai she riito. Kiijaq, maiq weshi raq, Jesuq ma, “Ümniika ümriiba niiwa ki tlaü, kiijaq saüli, ngi min mikhum damha,” nguta chongto.

John 10:10

Shatmaq, ahuk skukhok na nyap wa tlaq kriika, skukong kra huk wa, atsea wa, kiimaq ashthen baiq wa ngutli watlo. Shatmaq, ngi saükikang arka, namshiq raq aliim ale rilung kra milap laq nguta kikang.

John 12:47

Ashi ra raq, i bom chong ara taishatshat taü maq, lang mak jiika, ngi raq apaiq ka kappe maq shin mang. Ngi ka mangjong maiqse kra ajiq alam nguta shinkai akiha ka riimak. Shatmaq, mangjong maiqse tiichhiikai miitu kikang.

John 3:17

Ara jamkhano chongtiikang ngukla, Shiikeawe raq Ase ka phiija maiqse kra shra kai miitu atiiki ka riimak. Shatmaq, tsangshiq kra daake kai tiikito.”

Romans 12:21

Abi jaqsham ma namshiq ka naq tiitang rongkiq. Shatmaq, namshiq raq abi jaqsham ka, ahea jaqsham maq tang wan lili ronglaq.

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.