Luke 9:31 - ASII LAKDAP Bible (BSI)

³¹ Tsangnai sham ka ramungtan wa rilung chhainyii sham. Tsangnai ka Jesuq rai, apaiq raq jaqlo miili she, Jerusalem na tsai raüta, Shiikeawe kiimung jaqsham shiiku piwan chang kra miitu bom riichong.

Hawa Naga Bible 2001

³¹ Tsuinghez kuex ngauz vngax rulc vdvmz dung kaz vtueq, Tishox thuinroc rulc rv-ngvlc mtanc httax muq nuex Yerusalem ghaq maq vpiq vthueyc rvhumc tuex lvmx kuex vpiq rulc rvjungc phvnc yaq.

Muklom

³¹ Ningni sha phun amun jamoq thu eq Jesu jamoq wan ta. Ning Jesu tik sha bara Jerusalem na angna ta wan ta.

Luke 9:31 Referencias Cruzadas

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

Luke 9:30

Kra maklii liipan niili, dongchhaq maiq ka wenai jongri she saükito. Tsangnai ka Jesuq rai bom riichong rea riito. Kra maiqwe nai kriika Mosheq nai Elija.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

Philippians 3:21

Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.

Colossians 3:4

Namshiq rilung chong ka Jesuq Khristo. Krai mren, apaiq ka ümra ranaiq akhing niiwa saüho tlaq, kra akhing na namshiq min apaiq rai achhai anyii miishe misi wandam han.

Hebrews 11:22

Kiimahali, Joseph riimin la, kamtsantsii maq, Israilnok ka Ejip mung wa alaü mirwan jo nguta chongkuq thüto. Krai mren, Israilnok ma apaiq maa ka jamkhii saiqsam chang wa, kra miitu tsii chongkuq thüto. Arka, apaiq atsaiho nini akhing niishe chongkuqto.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

2 Peter 1:15

Arkha maq, ngi raq kai shiichaq lata, ngi tsai jai min, namshiq raq arthun tengman tlaq bomtsi ara wranaiqshe tsan na tiitsang shat maq siwan miitu, namshiq ma tsii chongke chang ümchuwa sitlaq, kra michong kuq ha nguta shiikut chaq tiikang.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.