Luke 9:25 - ASII LAKDAP Bible (BSI)

²⁵ Riita, maiq ashi ra raq, mangjong tlotli ka milap ngu i na. Shatmaq, arilung ka mitiimo baiq, lo tiichhii wan lot mak miraq ngu i na. Kra ngu haü jiika, apaiq ma jamlai liip wa midong? Jamliip min ahü!

Hawa Naga Bible 2001

²⁵ Miq kuex mungkawx lotlaz guimz lvp vtueq miqmac kuex bac wvnc ruiux yuq, piq tvkoc yvmx vjux lac httax tvnx? Vsuing khuec guez dvyx rvtueq!

Muklom

²⁵ Miq ashey aa iri thaji mingkang raa kapta etharin piq ni piq sha thamat chak etha ang moq ang ajo tashit chak ajo chamlang kapna? Chamtho ahung!

Luke 9:25 Referencias Cruzadas

Matthew 13:48

Raüta tsangshiq chiiq ka ngiq raq mato she angu tinkhan na, ngiq ka wiichiiq tam maq takii niishe mihit wan. Raüta tsangshiq ka adam na minga. Raüta tsangshiq liipan na saqseng riiphea phaq wan lam maq, ngiq heahea phan thun kriika tsangshiq thongkhiiq mong na mithü wan. Kiimaq abi ati asea chang phan riimak kriika pong na tsea raüta abaiq rea li she miraq.

Matthew 13:50

Raüta tsangshiq ka walü tum kaü henghea nyai rai tlaq kra mong niishe wiita mitiidea chaq baiq wan. Kiijaq tsangshiq ka arong awi chitwa trang liishe mihoq phaq trang wan.”

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Mark 8:36

Maiq ashi raq mangjong hiq tlotli ka lap raü jiimin, apaiq rilung ka tiimo baiq raü jiika, apaiq ma jamlai liip wa misi? Jamliip min ahü!

Acts 1:18

(Judas raq sho tsiiq siqtaq kriimaq, hiq phu bashi rito. Kiijaq apaiq miisaq ka tiithum wanto. Apaiq ka apuk aji jea lili phok rai raüta tsaito.

Acts 1:25

Apaiq ka Judas, sho na kaiho chang dongdii kha maq, sho na kihotaq kra changkhü song miitu she tsea laq. Laüta, apaiq ka ümkiim we miishe shong laq.”

1 Corinthians 9:27

Ngi raq i han-ngam na jaqtham maq tiithong tiikang. Lata i han-ngam tiima tsantsii ka, jaqkhon mong na thü tiikang. Arka ngi raq nanok ma ara aju riilong na hea wan kang krai mren, poiki mang maq, atiisup na saüli juwan ruq chang miitu shiichaq tiikang

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.