Luke 9:20 - ASII LAKDAP Bible (BSI)

²⁰ Kiijiishe, “Riita, namshiq riiha?” nguta tsangshiq ma waito. “Namshiq raq ngi ka ju nguto ngutlan?” nguta Jesuq raq tsangshiq ma waito. Kiijiishe, Petar raq, “Ümniika Shiikeawe raq atiiki Khristo,” nguta treto.

Hawa Naga Bible 2001

²⁰ Vpiq rueq, “Nuimshiq rueq hux ngaz kuex ukhaq ngoz tueq lac tvmaung vshuinx?” ngoz tueq tsuinghez muex wiz tueq. Peter rueq, “Mnoz kuex Tishox Mesia rvtoq,” ngoz tueq tvralc tueq.

Muklom

²⁰ Piq aa ning thima pitta, “Etharin nim aa nga raa utang aa ta batphin aa?” Peter aa batta, “Nang raa Shkewa Khristo tha.”

Luke 9:20 Referencias Cruzadas

Matthew 22:42

“Namshiq raq Messia ka ju nguto tiima tlan? Apaiq ka juta se wa?” Kiijiishe tsangshiq raq, “Apaiq ka Dawit weraü wa,” nguta bom ka treto.

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

Matthew 5:47

Kiimaq namshiq raq maiqmii nok phungshiti kriili, ‘Khusang rakhang khata,’ nguta tao lili riihan jiika, nanok ahinti thaq na achan jamlai wa sham lan? Thatsang maiqse riimin kiikhiisii li dea riibom nai wan tlo kata!

Mark 14:61

Shatmaq, Jesuq raq tsangshiq bom ka poshi dongdii min tre mak, kaiqshakli riito. Kiijiishe, Ramwe Ajong Pinthum we raq, Jesuq ma bom ka akhiishe hali wai nongto, “Riita ümniika shiiman Shiikeawe Se Khristo dea sha?”

Mark 8:29

Apaiq raq hali tsangshiq ma wainongto, “Riita, namshiq riiha? Namshiq raq ngi ka, ju nguto tiima tlan?” Kiijiishe, Petar raq, “Ümniika Khristo,” nguta treto.

Luke 22:67

Raüta, “Naishiq ma chong laq, ümniika Khristo dea sha?” nguta tsangshiq raq apaiq ma bom ka waito. Kiijiishe, apaiq raq treto, “Ngi raq namshiq ma chongpha jiiri, namshiq raq kam man.

Luke 9:19

Tsangshiq raq treto, “Maiq wiijamti raq, ümniika Khamlamketiwe Johan,” nguta ngutlo. Kiimaq, “Wiijamti raq hali ka, ümniika Elija nguta ngutlo. Kiimaq wiijamti ngiijaq, ümniika man na rathup rapha pat wa, shammibi phong kiiwa weshi powato nguta ngutlo.”

John 1:41

Apaiq ka aphu Petar rai kongkhu riihumsaq raüta, “Naphu loi nainai raq Messia rai riihumkai,” nguta apaiq ma bom ka chongto. (Messia ngutlaq kriika Khristo ngo nangnga riito.)

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 11:27

Kiijiishe, “Tatiwe, kamtiikang! Ngi raq ümniika Khristo, kiimaq Shiikeawe Se, ara mangjong hiq na misaüki nguta chongtlaq we kra, nguta kam tiikang,” nguta apaiq raq Jesuq bom ka treto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 4:29

“Warong ra, liiwa rongkiq. I niikiijaq, maiqwe ashi, ngi raq i rilung na ümchuwa ahea abi klo kang thun kra wiita asap siisaq. Apaiq ka Khristo ngutlaq kiiwa riita nya?”

John 4:42

Kiimaq tsangshiq raq jechak nyung nangnga, “Naishiq raq ümchaü apaiq ma kam tiikai arka, ümniiraq naishiq ma chong laü kra jaq seng laita kamwan ka riimak she. Shatmaq, naishiq raq maiqmii mak maq chhi laitiishe, apaiq ka riikhaqli mangjong maiqse Chhiiti we dea nguta kamwan tiikai.”

John 7:41

Jesuq raq ara traho bomtsi chongkuqtaq ara tai raüta, maiq wiijamti raq, “Arwe arka Khristo dea ahata!” nguta riibomto. Shatmaq, tsangshiq phong wa maiq wiijamti riika, “Khristo ka Gelili hiq shong wiika poki mak miraq!

Acts 17:3

Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Acts 9:22

Shatmaq, Saul raq Damaskas na siti Jehudinok ma apaiq traho bom chongke kriika, achaq awaq maq hakhi tiichhi kuq raüta chongkuqto. Kiimaq apaiq raq Jesuq kiidea Khristo nguta tiitho tiipha chongkuqto. Krai mren, Damaskas na siti Jehudinok raq apaiq kiq ka poshi min khii lot mak riito.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.