Luke 8:50 - ASII LAKDAP Bible (BSI)

⁵⁰ Shatmaq, Jesuq raq kra tsütsa bom chong kra tai raüta, “Naq haikiq, kamtsantsii li rüm laq. Ümse ka asam mirwa nong,” nguta Jairas ma a chongto.

Hawa Naga Bible 2001

⁵⁰ Kvruex kvjaz kuex Yesu rueq tay vtueq, “Nauk tvmaung kaz mkvmx luimx thuinz dvyx httax kuiux, nox kuex vhvlc rvkaz tuex,” ngoz kuq tueq.

Muklom

⁵⁰ Jesu aa etha tat eq Jairus thima batta, “Nak cho u; uhan eq chey u, etho piq uqhal angna.”

Luke 8:50 Referencias Cruzadas

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

Mark 5:36

Jesuq raq tsangshiq bom ka shili shaqlaq li riito. Kiimaq apaiq ma, “Ümtsaiji ka naq tran kiq. Kamtsantsii li thülaq,” nguta chongkuqto.

Mark 9:23

Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Luke 8:48

Kiijiishe, Jesuq raq, “I se lei, ümkam tsantsii maq heaki laü. Khu asang miishe siwan laq!” nguta apaiq ma chongkuqto.

Luke 8:51

Krai mren, Jesuq ka Jairas jam na saü wan raütiishe, apaiq rai Petar, Johan kiimaq Jakob, kiimaq jechakse nyungwe kli, tapmong na shea wanto. Nanok ahinti thun kriika, jumin tapmong niika tiiwa mak riito.

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.

Romans 4:17

Asii bomtsi na, “Ngi raq ümniika maiqphan pahea ma awejong tiija wan kang,” nguta chongtlo. Ara chongtiikai ara ningkhan, ara kiqkham arka Abraham raq kamwantaq, Shiikeawe maiq amaa wa, atra tiidong wanti Shiikeawe, kiimaq phanrap ka jam min ahü wa, apaiq raq aming tat raüta phanrap tingsang anye tiidong tiiq wan phansang wanti we, Shiikeawe makki na athuk atsom pinthum bomtsi.

Romans 4:20

Apaiq kamtsantsii ka atsan mong wa jam mak phan riito. Kiimaq apaiq raq Shiikeawe kiqkham ka tsan nai maq tiima wan mak phan riito. Apaiq kamtsantsii ka apa, tsan mong na atsaü maq pha wan wan khoti pha wanto. Kiimaq apaiq raq Shiikeawe kli she tiishomra wanto.