Luke 8:47 - ASII LAKDAP Bible (BSI)

⁴⁷ Kiijiishe, Jechak nyung raq, apaiq ka sapto she nguta heto. Kriikha miishe, apaiq ka atiikhai rokrok wa raüta, Jesuq jichong na bumsaq riito. Raüta, nokwe tarü man na, apaiq raq Jesuq dü na ajaq maq jaram wa shamtaq, kiimaq kra shamtaq krai mren, apaiq thatsi ka jamkho heakisaq li heataq, kriishe tiitai chongkuqto.

Hawa Naga Bible 2001

⁴⁷ Yalxjuik nyuiuz kvraq piq kvtuingc tueq lvmx kvduimx mvy muq kuex tuiuz lvp vtueq hiyaz kvkhuirc yaq lvmx maq vpiq yaz phaungx nuex bumx vtueq, Yesu gvnz nuex yvmx ngoz tueq lac kvtuingc tvnx lvmx nuiyc piq hvlx wvnc tueq lvmx kuex nuk waz htumc nuex jungx kuq tueq.

Muklom

⁴⁷ Miqnu aa u raaq raa usam sey taphang ta tathin ta, req piq tha cho eq Jesu jathong thináng shong tong kata. Etho thaji jakho na, piq aa thaji thim o chamlang ma piq aa tatit ta tha batta etho chamal eq rikla qhalta tha batta.

Luke 8:47 Referencias Cruzadas

Tvtsvmc 2:11

Tatiwe ka tiihaishat maq shiikumpan ronglaq;

Tvtsvmc 38:9

O Tatiwe lei, itsanro ka jamlai wa kra ümniiriiri asap haü; ngi hantrang ka ümniiraq atai haü.

Tvtsvmc 66:16

Warong ra, tairong laq, namshiq Shiikeawe shrengti wiita raq, kiimaq apaiq raq ngi miitu jamlai wa klotaq kra namshiq ma michongkang.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

Hosea 13:1

Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.

Hosea 5:3

Ngi raq Israilnok ka juwa asapha. Tsangshiq rilung ka imakki wa tiipaükilot mak. Tsangshiq ka mephe-nyung ma jawanto. Israilnok ka ashe she. Tsangshiq raq ngi shomnoq wan thek mak she,”

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

Matthew 28:8

Krai mren, tsangnai ka makho maq taülaükhiq li she wawanto. Kiimaq tsangnai ka tsanko miika ahai kiimaq tsanko miika achochi riito. Raüta tsangnai ka ajaqshisetiim ma tsütsa kra chongwa aju lam maq witwit wawanto.

Mark 5:33

Maiqnyung raq atsi heakai kra sap raütiishe, ahai tiikhai lam maq, Jesuq khaki na kaütsrong na ngasaq raüta, atsi chamchao wantaq nai atsi hea wantaq kra, Jesuq miishe tiitai chongto.

Luke 8:46

Shatmaq, Jesuq raq, “Ashi ra raq i dü na jaq maq shamto. Ngi raq i dü wa ningkun kaiho asap ha,” nguta bom ka treto.

Luke 8:48

Kiijiishe, Jesuq raq, “I se lei, ümkam tsantsii maq heaki laü. Khu asang miishe siwan laq!” nguta apaiq ma chongkuqto.

Acts 16:29

Kiijiishe phaqtek kheti we raq wa tiinü kuq rong laq nguta chongto. Raüta, Paul nai Silas phana atam alam miishe ju raüta, tsangnai khaki na bumtlii maq, ahok ajaq tiikhai rokrok she, ahaisi phiip raq atsai bumkito.

1 Corinthians 2:3

Kriikha maq tiina, ngi ka namshiq phana wakang akhing na, i jaq i ji tiikhai rokshrok, ahai lam maq, kiimaq ningkun ahü ajom maq sikang.

2 Corinthians 7:15

Kiimaq krai mren, namshiq ma apaiq lungwiitsii kiimin jong wan wan she, jong wanto. Apaiq raq, namshiq ma sungkhu tsiilam chongkuqtaq kriika, namshiq raq phaqchii nichii maq tai lan kra, apaiq raq tsan na tiitsang shat maq thü tlo. Kiimaq namshiq raq apaiq saü wantaq akhing na, shreng lanta, tiihai song shatmaq apaiq ka tao wan lan.

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

1 SAMUEL 16:4

Krai mren, Samuel riimin Tatiwe raq chongkuqtaq kra phanphan kloto. Raüta apaiq ka Bethlehem na kihoto. Apaiq ka kiijaq saüho kiita, chelati shiilangbi thun ka tsangshiq shreng raüta Samuel taokai kito. Raüta waito, “Shammiwe lei, ümniika hansang miitu khumshiim khata saüki laü?”