Luke 8:39 - ASII LAKDAP Bible (BSI)

³⁹ “Ümjam na jang wanlaq. Laüta, Shiikeawe raq ümniima jamlai phan wa shamkuqtaq kra nanok ma chongkuqlaq.” Krai mren, kriiwe ka chela na wa raüta, Jesuq raq apaiq ma jamlai phan wa shamkuqtaq kriishe nanok ma phanchan chongkuq wanto.

Hawa Naga Bible 2001

³⁹ “M-yuimx nuex waung vtueq Tishox rueq mnoz muex mtanc khvnc lac romc kuq kv-phux lvmx kuex tvtay jungx waung kuiuz,” ngoz kuq tueq. Kvruex waz kuex dung kaz wvnc vtueq piq muex Yesu rueq yvmx khoc lac romc kuq tvnx lvmx kuex wvghaq tuimx muex tvtay jungx wvnc tueq.

Muklom

³⁹ “Him náng ka u, Shkewa ba rangma chamlang somta thi bat kot u.” Ethi miqwa tha samhaq náng ka eq Jesu aa piq rangma chamlang somta tha bat kota.

Luke 8:39 Referencias Cruzadas

Tvtsvmc 66:16

Warong ra, tairong laq, namshiq Shiikeawe shrengti wiita raq, kiimaq apaiq raq ngi miitu jamlai wa klotaq kra namshiq ma michongkang.

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 5:18

Kiimaq Jesuq ka lai na ngawa, adü wan she riito. Kra akhing na, tha raq arom wa heakitiiwe raq, Jesuq ma, “Ngi min ümniirai li wadam pha!” nguta tiipaiq neato.

Mark 5:19

Shatmaq, Jesuq raq apaiq ka shea wan mak dea riito. Kra rii na, “Ümnyung we phana walaq. Laüta, Tatiwe raq, ümniima ümtinkhan wa mangchan tlaq, kiimaq ümtinkhan wa khrum kuq wan taq kra, tsangshiq ma chongkuq wakiq,” nguta thaüto.

Luke 8:38

Maiqwe, akhum wa tha jobaiqtiiwe raq, “Ngi ka ümniirai wadam pha,” nguta Jesuq ma tiipaiq neato. Shatmaq, Jesuq raq apaiq ma akha tsii chongkuq raüta tiiwato,

Luke 8:40

Jesuq ka konü Tham reko niishe saü wan kiita, mungmaiqse raq apaiq ka taoto. Jamkhano ngukla, tsangshiq ka apaiq saüwa tlo haü jaq nguta, kheshat dongdii riito.

John 4:29

“Warong ra, liiwa rongkiq. I niikiijaq, maiqwe ashi, ngi raq i rilung na ümchuwa ahea abi klo kang thun kra wiita asap siisaq. Apaiq ka Khristo ngutlaq kiiwa riita nya?”

TRI CHONGKE 10:21

Apaiq ka tiitsam ronglaq. Apaiq ka namshiq Shiikeawe. Kiimaq namshiq raq namshiq mak miishe apaiq raq jaqsham jonghea kiimaq akiinyii chang jaqsham pahea namshiq miitu shamkuq wantaq thun kra chhiwan lan she kata.

1 Timothy 5:8

Phungmaiqse ngu raü, jurwa mantiliihi, akhek ka jamtap rinti sitlaq, kra dunghiq mak maq, shishe tlaq jiika, kriiti ka Phungmaiqse rilung kamasham lamphan ka, baiq raüta sitlo ngushat. Kiimaq kiikhiiti ka thatsang maiqse nam miimin naolaq, ajiq pinthum sitlo.