Luke 8:21 - ASII LAKDAP Bible (BSI)

²¹ Kiijiishe, Jesuq raq tsangshiq tarü ma chongto, “I nyung nai i notiim ka, jurwa Shiikeawe bomtsi ka tai tlaq, raüta lang tlaq, kriiti thun kata, ngi ma i nyung nai i notiim,” nguta apaiq raq tsangshiq bom ka treto.

Hawa Naga Bible 2001

²¹ Yesu rueq tsuingshiq lotlaz muex, “Tishox bomjungc kuex tay vtueq phvnc jix htenc kuex inyuiuz nuiyc inox tamx rvtueq,” ngoz tueq tvralc tueq.

Muklom

²¹ Jesu aa ning thaji chingko thináng siin eq batta, “Inu etho ipho ni no tang eshitang sha ang aa. Bara Shkewa raaq tat eq somlo aa.”

Luke 8:21 Referencias Cruzadas

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Matthew 25:45

Kiijiishe, Hokham we raq tsangshiq bom ka mitre, ‘Ngi chongpha, namshiq raq ümtiikiiwa ara wepuq wese phong arwa weshi ma khrum kuq man riilan, kriika ngi ma khrum kuq man riilan.’

Matthew 28:10

Kiijiishe, “Namnai ka ahaisong chang jam min ahü,” nguta Jesuq raq tsangnai ma chongkuqto. “Warong laq. Lanta i notiim kiima Gelili wang nü na wali ronglaq. Kiimaq kiijaq tsangshiq ka ngi rai mirhum laq nguta chong kuq wa rongkiq,” nguta Jesuq raq tsangnai ma chongto.

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Luke 8:20

Maiq ashi ra raq, Jesuq ma chongto, “Ümnyung nai ümnotiim ka kinphai na ümniikhe nguta chaprai tlo. Kiimaq tsangshiq raq ümnaq ritrat tlo.”

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 20:17

Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

2 Corinthians 6:18

Ngi ka namwe jong ma mija kang, kiimaq namshiq ka I setiim, maiqwe sere nai jechak sere ma mija wan han, nguta Ajong TATIWE raq chongtlo.”

James 1:22

Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

3 John 1:11

Lungwii phuno we lei, jamlai wa abi ka naq lang kiq. Shatmaq jamlai wa ahea kli lang laq. Jurwa ahea jaq sham tlaq, kriiti ka Shiikeawe rii she. Jurwa abi jaq sham tlaq, kriiti raq Shiikeawe ka chhi mak dea.