Luke 8:15 - ASII LAKDAP Bible (BSI)

¹⁵ Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Hawa Naga Bible 2001

¹⁵ Ghaq hvlx nuex vdvy vlix kuex bomjungc tay wvnc vtueq, vhvlx nuiyc vtay vphvnc wvnc lvmz thuinz vmungx nuex kop wvnc vtueq vthuey thuey tuex nuex httuiuc laz nanx lot jix hez kv-ngoc rvtueq.

Muklom

¹⁵ Etho haq qhal náng qhat ta uli sha irimal miq, bara jaqhal miq asing wang tin eq tat aa etho jaqhal eq shing aa etho eshiwang li qhal thalat chey ro ang aa.”

Luke 8:15 Referencias Cruzadas

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 51:10

Imongjii ka siirairai she tiijalaq, O Shiikeawe lei, laüta itsan mong na wenyi anye kiimaq ümniirai tiipumtlii siti wenyi thiikuqlaq.

TAKSU LAK 3:1

Ise lei ngi ümwe bom chong naq laq kiq, ngi raq chong tiikang kra phanphan shamlaq.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

Matthew 24:13

Shatmaq jurwa atiisup na saüli ngi ma kamwan tlaq, kriiti kli mitiichhii wan lot.

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Luke 6:45

Maiqshaqti riika, atsan mong na tiima tsantsii ahea rüm tlo, kiiwa athuk atsom bomtsi siisaq li bom tlo. Maiq abiti riika, atsan mong na tiima tsantsii abi rüm tlaq, kiiwa abom asa niimin, abi ati siisaq li bom tlo. Ara jamkhano chongtiikang ngukla, tsan mong na jamlai wa rümtlaq, kriika anübok maq bom tlo.”

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Luke 8:16

“Jurmin lem ka tiinyai raüta, taükok miika pang baiq mak. Kiimaq, changdü takiq niimin tobaiq mak. Kra rii na, lem ka atochang na mito. Krai mren, maiq jam mong na nyap wati ma walü li hea la miraq.”

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

John 15:10

Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

Romans 7:18

Ngi raq asapha, ngi raq i han-ngam ningkun miika, ahea awa phan jaqsham kriika, sham wan lot mang. Ara jamkhano chongtiikang ngukla, i tsan mong na, ahea awa phan jaqsham kriidea sham hajaq, ngutiika tiima tiikang dea na. Shatmiitiq, ngi raq kra i jaq miishe, ara sham la ngutiishe tiima tiikang niika, sham lot mang she riiki tiikang.

Romans 7:4

Phunainotiim lei, ara chongtiikang tri bomtsi ara niq riri, namshiq kiimin sitlan. Thungtri nai namshiq liipan niika, lamphan railo ka atiipan kai kun she. Namshiq ka Thungtri kharü mong wa atsai kai wishe. Jamkhano ngukla, namshiq ka Jesuq Khristo khum sitlaq kra, pan athiq she sitlan. Kiimaq ümchaü namshiq ka amaa wa tiidong wantaq we kra rii ngutiishe sitlan. Arka, ümchaü sanha, nashiq tarü ka Shiikeawe kriili she shomnoq laita siwan miitu atra sitiikai.

Romans 8:25

Shatmiitiq, nashiq raq na mak maq, jamlai phan wa chhi mai sitlaq, kra phan kra miitu, nashiq raq ran tsantsii thü wan tiikai. Ara ran tsantsii thü wan tiikai arka, mongngam maq milap wan rong i she dongdii nguta, tsan tiibum laita khewan tiikai.

1 Corinthians 7:19

Ara jamkhano ngukla, maiqwe ka athohan je sha athohan hü wa kriika jamlai akhek ahü. Akhek bomtsi ka Shiikeawe aming thun tai wan kli.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

Hebrews 10:36

Shiikeawe raq thikuq tlaq kra jaqsham ma jiila, namshiq ka tsankhun maq, tsan tiibum lanta, jaqsham shiichaq wan ruq chang li. Kra riihan jiitiq, Shiikeawe raq mikuq ha nguta kiqkham kuqtaq poksi kra milap han.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

James 1:4

Khekham maq silaq, anin wan ningkun maq chamchao thun ka tang wan ruq miitu, krai mren ümniika minhap kiimaq awongsii maiqse she mija haü kiimaq jamlai phan niimin kojo maü she mirhaü.

1 John 2:3

Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.