Luke 7:33 - ASII LAKDAP Bible (BSI)

³³ Khamlamketi we Johan ka namshiq phana saühoto. Raüta, amang maq, che atsam jam min phaqsiq mak maq, achu jaü wanto. Kra chhi lanta, namshiq nga, ‘Arwe khum niika abi winji asi!’ nguta ngu lan.

Hawa Naga Bible 2001

³³ Yvmx khoc lac ngoz ruiux lec Yuix Luip Yohan httuiuc kaz vtueq phuiuz vsvy muinz phauk saq muq, svpiq tix muinz nuingx muq ruez kv-phuinx tueq, ‘Piq kuex htaungc kvpumz jix waz!’ ngoz tueq ngoz wuez tuit.

Muklom

³³ John jung thalamtey katapha, etho piq wokcham tong ta, etho John sutichi tho ling hung aa tong ta, etho nim aa ba tin, ‘Piq han ro thangwa atha ta.’

Luke 7:33 Referencias Cruzadas

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 3:1

Kiitincho ji Khamlamketi we Johan ka Judia wang na kumtsaiphii binjü kiina kiraüta akha tra hokuq phahoto.

Matthew 3:4

Johan miirii ka Kumtsong nyamse bin maq ataq khea samto. Apaiq raq achhü niika ngamkhü shinket pato. Kiimaq rum wa kupchi nai ngiqngu kra apaiq dung ma tiija raüta phaqsiq wanto.

Mark 1:6

Johan raq apaiq miirii ka kumtsong bin maq ataq khea samto. Kiimaq achhü niika ngamkhü shinket pato. Kiimaq apaiq dung ka kupchi nai ngiqngu phaqsiq raüta sito.

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 7:32

Tsangshiq arka nosere kong chiiheawea wea keathung na tiitsasiq tlaq ikha. Kongshi raq, kongshi ma, ‘Naishiq ka maiqlam poi polo shinge phaita, namshiq ka naishiq rai wiinum nea dam man! Naishiq ka, maaho manyi hoq trang phaita, namshiq ka naishiq rai majo wan dam man!’ nguta riirüm sho bomtlaq ikhli.

Luke 7:34

Kiimaq Maiq Se ka saüho raüta, aphaq asea chamtraq maq siwanto. Kra chhi lanta, namshiq nga, ‘Arwe ara lii rong laq! Cherop, kiimaq shakaq we kaü ara. Phunta hitinok kongti, kiimaq ashleq arbaiq wan, ashe ashi maiqse kongtiwe!’ nguta ngutlan.

John 10:20

Maiq apako raq, “Arwe ara tha raq rom wanto! Apaiq ara aru she riikito. Akhnok bom arka jaram wa mitaisiq rong i?” nguta riikhii trangto.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

John 8:52

Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

Acts 2:13

Shatmaq, maiq wiijamti riika, kamasham maiqsetiim kriika shummii laqpii lam maq, “Tsangshiq arka cherop kong ahata!” ngutli shipoqto.