Luke 6:6 - ASII LAKDAP Bible (BSI)

⁶ Jangshi Asii Niitiitsak ranaiq akhing na hali, Jesuq ka sinagok na waraüta trahoto. Kiijaq maiq weshi, ajaq jaqtsi nüti ka ama arki we min nga raü asi riito.

Hawa Naga Bible 2001

⁶ Vguilc Raungnuiyq vganc nuex muinz Yesu kuex vjux thoz yuimx nuex nyuip wvnc vtueq tvluing kuq tueq. Kvruex yuq yaukkeq kox vmaungx miq washiz vhttax rvtueq.

Muklom

⁶ Saalshey Sabbath saal ang atho Jesu Jehudi tang Synagogue náng kata etho tatalta. Eshina washey jakqhaq ko mey thamot moq angta.

Luke 6:6 Referencias Cruzadas

1 HOKHVMX 13:4

Hokhamwe Jeroboam raq kra ngo ka tairaüta, ajaq shi maq apaiq ka tiq shuk raüta, “Kriiwe ka lap rong laq!” nguta aming kuqto. Shatmaq maklii liipan niili hokhamwe jaq ka amaa ma jaki saq riito. Krai mren apaiq raq ajaq ka akhum na tiijang hit wanlot mak she riito.

JEKERIA 11:17

Bangbang sku rümtiwe raq mra milap! Apaiq raq askukong wiita tiishaü baiqto! Redong raüjaq apaiq ningkun mithen. Ajaq phum ka ashin mirki. Amak maktsi nü ka amiishe mirki.”

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Luke 13:10

Asii Niitiitsak ranaiq shi akhing na, Jesuq ka sinagok na traho bom chongke rea riito.

Luke 14:3

Kiijiishe, “Riita, nashiq Thungtri na Asii Niitiitsak ranaiq na, maiq atsi asiti tiiheake ka mai tlo ngutiisha chongtla, sha tiiheake ra mak ngutiiwa chongtla?” nguta Jesuq raq Thungtri shrinketibi nai Phorisinok ma waito.

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

Luke 4:31

Kra miishe, Jesuq ka Gelili wang na, Kaparniam chela kiiniishe wawanto. Raüta, Asii Niitiitsak ranaiq na, sinagok maq nokmaiqse ma tra hokuqto.

Luke 6:1

Jesuq ka Asii Niitiitsak ranaiq na ajaqshisetiim rai tsamrü lam maq alea wan awarai riito. Ajaqshisetiim raq akhum lam maq tsam nyam ka toq raüta, tsangshiq jaqphi na notphaqto.

Luke 6:5

Kra tru chongkuq raütiishe, Jesuq raq, “Maiq Se ka Asii Niitiitsak ranaiq Rümtiwe,” nguta bom ka shatto.

John 5:3

Kra lam thun kriijaq maiq atsi asiti thun ka pahea, riiphong riirong bum raqraq. Makchuk jaqmii, akü ashii, kiimaq ahan amaa arkiti thun ka kiijaq asi riito.

John 9:16

Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.