Luke 6:42 - ASII LAKDAP Bible (BSI)

⁴² Ümniiraq ümphuno we ma, ‘Phuno we, ümmak na sinchiise asi kra lamkuq pha,’ ngutiika jamkho ngutlaü? Shatmaq, ümmak na pepan kaü tiihap raü kra riiwe ka chhi maü? Ümniika mongnam! Apha na ümmak wa, pepan kaü tiihap tlaq kra kongkhu lambaiq laq. Kra lot jai shetiq, ümniiraq ümphuno we mak wa, sinchü kra khangriri hea she michhi haü. Kiimaq milam kuq lot haü.”

Hawa Naga Bible 2001

⁴² Yvmx ngoz tueq lac mphuz mnox waz muex, ‘Mmuik nuex httax yaq bokkhuyx kuex lvmz kuq gay ix,’ ngoz tueq ngoz vshuiux? Kvyonc yuk jix waz lex! Mmuik wawc pulx pvnz kuex kungkhux lvmz gay shuiuz. Kvkhoc ngoz ruiux yuq jix mphuz mnox waz muik wawc bokkhuyx kuex vhvlx waq kvkhic vtueq lvmz kuq gay lot shuiux.

Muklom

⁴² Nim miik wang bangling tathin hunga, nim no ma chamal eq jin raaq inn, ‘Nga ba miik wang miiksip ri lat ko phang.’ Takhi eq somtey tang! Jakho nim miik wang bangling shi lat chak inn, ethi jio nim aa nim no miik wang miiksip sha may lat eq ma jaqhal eq khi nin.”

Luke 6:42 Referencias Cruzadas

TAKSU LAK 18:17

Rung na khachongti raq, akha nyan achong ka riikhaqli ikha; khatsiiti raq poshi shi maq, akiq ka khü wan raüla tri misup wan.

Matthew 26:75

Kiimaq kiijiishe Petar tsan mong na, “Wu miwa shaq liipan niili ümniiraq ngi ka juwa sap mang nguta, jangtsam mitiishaü baiq haü,” nguta Jesuq raq apaiq ma bom achongkuq bomtsi kriishe apaiq tsan mong na tiidosaq riito. Kriikha maq, apaiq ka jam sonruk mong wa kinphai na juho raütiishe, atsan amongpo ka tiipanki nam nam she shetang hoqsiqto.

Matthew 7:3

Ümphuno we mak na sinchiise ka jaram wa liitlaü, ümmak na pepan kaü tiihap rai tlaq kra riiwe ka chhi maü riiraü?

Matthew 7:4

Ümmak po na pepan kaü tiibumshat maq, ümphuno we nangnga, ‘Ümmak wa sinchiise ka lamkuq pha,’ ngutiika jamkho bom tlaü?

Luke 13:15

Kra tai raütiishe, Tatiwe raq apaiq bom ka akhiishe treto, “Namshiq ara mongnam nok! Namshiq raq Niitiitsak ranaiq na maiqmii minsaü lo, kumtoq lo ka aban chang tiip wa diiho lanta, atsam tiiphaq kai rum na banki tlan.

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

Luke 6:41

“Ümniiraq ümphuno we mak na sinchiise kriika jaram wa liirat tlaü? Shatmaq, ümmakpo na pepan kaü tiihap raü kra riiwe ka chhi maü?

Luke 6:43

“Achong ahea riika tsibi ka tsimak. Kiimaq, achong abi riika atsi ahea ka tsimak.

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 8:21

Ümtsan ümtsii ka Shiikeawe man na riikhaqli riimak. Krai mren, ümniiraq naishiq rai jaqsham na lom chang ahü she.

Romans 2:1

Kongtitiim lei, namshiq raq nanok ka jaram wa sairan tlan? Namshiq ka juli riikan jiimin, hangkilot man. Jamkhano ngukla, namshiq raq nanok ka ajiq klo tlo nguta, sairan tlan. Shatmaq, tsangshiq raq jamlai wa ajiq klo tlaq, kra hali namshiq riimin klo tlan. Lanta, maiq ka shra tiikai angu, maiqmii kli ajiq we dea nguta, shra phaq tlan.

2 Corinthians 5:18

Riita ara maiqse ka anye ma tiija tiiq wan tlaq arka, Shiikeawe raq nashiq miitu klo wanto. Kiimaq Khristo raq jaqsham jonghea sham wan kha maq, Shiikeawe raq nashiq ka apaiq ma wesang wa, apaiq kongtibi miishe tiija wanto. Apaiq raq ümchaü sanha, ara maiqse angu thun arka, Shiikeawe rai wesang siwan tlaq kiiwa, wehea miishe shram kewan jaqsham arka nashiq miishe kuqto.

2 Timothy 2:21

Riita, juwa ara chongtiikai arot shrabi abi ashe lamphan arwa maiqmii khum ka asii, siirairai thütlaq, kriiti ka Shiikeawe ma pinthum rahea miraq. Apaiq ka siqlaitap na khütsaü abat thü ikha akkhek atiitsang akhing niili milang. Apaiq ka Tatiwe raq lang wan miitu, pong na arai wan wishe. Apaiq ka Tatiwe ma phanrap jaqsham ahea sitlaq kiijaq lang wan miitu tiijeje maq thü tlo.

2 Peter 1:9

Shatmaq kamasham maiqse ngu raü, ju khum niiwa ara chongtiikai thun angu tu ka ahü, kriiti ka amak achuk we, lairap samhea chhi tsii mak we ikha. Kiimaq amak chuktlii we ikhli sitlo. Akhiiti riika, Shiikeawe raq akhum wa anyung pukdong ngarai ka diibaiqto she ngutiimin sapphaq mak miili, angi we ikhli sitlo.