Luke 6:30 - ASII LAKDAP Bible (BSI)

³⁰ Ümjaq wa jurwa phanshi ra jaü tlaq, kriiti ma kuqlaq. Ashi ra raq ümjaq wa phanshi ra nyeaho kiiphaü la, kriika naq jaü kikiq she.

Hawa Naga Bible 2001

³⁰ M-yauk wawc thoz jix hez muex kuq shuiuz, mhup msvmx lvmc lvy jix waz yauk wawc nauk tvyez thoz kaz.

Muklom

³⁰ Utang eq nim ching wang chu phu shima ko inn, etho utang eq nim jakwang som aa shi jakwang nak thawel chu inn.

Luke 6:30 Referencias Cruzadas

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

Tvtsvmc 41:1

Peohea miraq miitsan maiqse miitu tsan tiitsiti ma; tsangshiq chamchao akhing na Tatiwe raq mikhrum.

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

TAKSU LAK 21:26

Apaiq riika atsan na, phanrap phanrii alap wanro, kra tiimaseali sitlo. Shatmaq kechu maiqse riika, jaqchii jichii maq wantha wanthi pheakuqtlo.

TAKSU LAK 22:9

Khot jokjok raüta, miitsan maiqse ma rai awong keti ka, achu shiiman jonghea milap.

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

THARC TVLUINGC 8:16

Akhing jangshishi na, ngi raq arthun rilung bomtsi ara takwan hajaq, lata taksu maiqse ma jahajaq nguta rawa konhü tsin ngin wan tiikang.

Matthew 18:35

Kra chongkuq raütiishe, Jesuq raq bom ka akhiishe shatto, “Ngi raq chongpha. Namshiq tarü loweatek raq, namphuno we mra ka namtsan mong maq diikuq man wiiwii, ara chong tiikang akhiisii hali, i We ramungtan na siti we riimin, namshiq kha ka mipho.”

Matthew 5:39

Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 6:29

Ashi ra raq, üm theaphi na riisiiq tsat kiiphan la, theako kri chiimkuq laq. Ümsamtong jong ka nyeaho kiiphaü la, ümsamtong ranti kiimin chhut kuq laq.

Luke 6:31

Nanok raq namshiq ma, jamlai klo raü jiiwa, namshiq raq lungwii tlan, kra nanok ma klo kuq ronglaq.”

Luke 6:38

Jaq achü maq, nanok ma kuq ronglaq. Shiikeawe raq namshiq ma mikuq. Ngi chongpha, Shiikeawe raq namshiq ma, asho awo athap raüta mikuq. Namshiq raq nanok ma kene na jamkho thapthi tlan, kra phan phan Shiikeawe raq namshiq ma mithap thikuq.”

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Ephesians 4:28

Juwa man na, ahuk ja lanta silan, Kriiti riimin, ümchaü sanha, ahuk naqja rongkiq she. Jaqsham shiichaq lantli she, maiqmii wok ka tiipao ronglaq. Lanta, thümsaü litseti kiimin khrum kuq ronglaq.