Luke 6:23 - ASII LAKDAP Bible (BSI)

²³ Kra akhing ka saüwa raüla, namshiq ka chochikhiq maq, wiinum shewa li she rong laq! Ara jamkhano chongtiikai ngukla, namshiq miitu Shiikeawe raq mungtan na poksi jonghea tiije thüli tlo. Arka ümchaütiq riimak tiina. Tsangtitiim riimin la, shammibi ka akhiisii tiichamchao wanto.

Hawa Naga Bible 2001

²³ Kvkhoc rvhumc ruiux yuq kokez vtueq dauk dat wuez kuinz, yvmx khoc lac ngoz ruiux lec raungmungx nuex nuimshiq yauk mauk yunghvlc httax yaq. Tsuingshiq jix vwaz rueq muinz shvmmax bix kuex kvkhoc guirguenz wvnc tueq.

Muklom

²³ Baluk o iri tang raa angna, ethi tok o sungrang ang inn etho wuk eq ninney inn, chammatakoi nim rangma ajong khongpha mungtan na shing aa. Chammatakoi ning tey aa wa tho jakho rangsamal tangma tho irimal hun tintashit kota.

Luke 6:23 Referencias Cruzadas

2 SAMUEL 6:16

Tongshong Tek ka chela mong niishe saü wanto. Kra Saul se Maikel Dawit tanyung raq jam rathong kitan pu maq liikiita, Hokhamwe Dawit ka tro tri asii ramram awiinumsea adoq haha chhito. Kra chhi raüta, apaiq tsan mong na Dawit ma pinthum shummii siqto.

1 HOKHVMX 18:4

Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

1 HOKHVMX 19:14

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiili wan kang ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

1 HOKHVMX 19:2

Kiijiiseh Jejebel raq Elija ma tsütsa ka akhiishe tiichong wato: “Riita anap ranaiq atincho akhing na ümniiraq shammibi ka jamkho tsatbaiq laü kiikha ngi raq ümniika tsatbaiq mang riiha jiila, phrakong raq ngi ara tiitsailaq mitsat baiqlaq.”

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

1 HOKHVMX 22:27

Laüta tsangnai ma apaiq ka phaqtek mong na mishaq laq nguta chonglaq. Raüta ngi khu asang ma mijang wan ha shaq wiiwii, apaiq miika winsü nai kham lamlam li mikuq laq.”

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

2 HOKHVMX 6:31

Apaiq raq atsan bitsi ma akha gito, “Rashe micha shaq na Elisha khupo kra tiitapbaiq mang la riiha jiila, Shiikeawe raq ngi ara tiitsai laq mitsatbaiq laq!”

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

Tvtsvmc 58:11

Maiqse raq mingu, “Tengto kechu maiqse ma poksi ke ka thukto dea; mangjong maiqse kha phoketi Shiikeawe ka asi dea.”

ISAIA 35:6

Hokkiiti ka adoq haha she miwiinum, kiimaq bomtsü makti thun raq chojong chise mishinge wan. Kumtsaiphii wang binjü na jüseraisetiim tonglong she midong wan.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Luke 1:41

Elijabeth raq Meriq salam bomtsi kra tai ri li she, awok wa no kiimin atiime, aphe aphiiq she riito. Elijabeth ka Asii Wenyi raq ama riito.

Luke 1:44

Ngi raq ümbom hiqkhu chong maq abom wan haü kra tai ri li she, i wok wa no kra, achochisi tsi ma, i wok mong na, adoq haha she tiimeshi pheto.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Acts 14:10

Raüta kiqhang ajong maq, “Tiidolaq, laüta rusan chaplaq!” nguta thaüto. Kra tai raüta, kriiwe ka tiidopot chap hiiq she riito. Raüta, aphe aphiiq, adoq haha she, kra tro niishe aheawiq, maiqhea hongkükü she khum hoto.

Acts 3:8

Krai mren, apaiq ka adoq haha she, kriijaq akhum ashiim she doqsiq wanto. Raüta, chojong chise miishe, tsangnai rai Shomjam mong na, adoq adit wa lam maq, “Shiikeawe dea ajong,” nguta Shiikeawe tiitsam kam lam maq, Shomjam mong niishe wawan damto.

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

Romans 5:3

Nashiq riika nashiq chamchao tiikai ara miitu min, tiishom ra tiikai. Ara jamkhano ngukla, nashiq raq asap i, chamchao walü riika, anin wan ningkun ka ache miishe mitiija wan.

2 Corinthians 12:10

Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.

Colossians 1:24

Riita ngi ka ümchaü sanha, namshiq miitu chamchao tiikang arkha maq, chochi khiq li sitiikang. Ara jamkhano chongtiikang ngukla, ngi i khum na chamchao tiikang ara lümaq, Jesuq Khristo raq apaiq khum phungtu miitu, apaiq chamchao chang ümchuwa tiichong tlaq jaqthiq ka tiinyi wan miitu jaqsham holai ka riisha howan dam tiikang.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

James 1:2

Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 2:26

Jurwa rekhat tang wan ruq maq shiichaq tlaq, kiimaq ngi raq athithi na atiisup na saüli jaqsham tlaq, kriiti ma ngi raq, mangjong hiq na maiqmung ümchuwa sitlaq kra hupkhang wan miitu arang mikuq ha.

Revelation 2:7

“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.

Revelation 3:12

Rekhat tangti, srea jati we ka ngi raq, i Shiikeawe shomjam na khamlawe ma mitiija ha. Kiimaq apaiq ka kiiwa, ahin na kimak she miraq. Ngi raq apaiq khum na i Shiikeawe mang kiimaq i Shiikeawe raq ramungtan anye wa Jerusalem anye tiisat wan tlaq kra chela mang ka miwaiq kuq ha. Kiimaq apaiq khum na, i mang anye kriimin miwaiq kuq ha.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.