Luke 6:21 - ASII LAKDAP Bible (BSI)

²¹ “Namshiq juwa ümchaü ramtsi kriiti ma chochi; namshiq phetak she mirhan! “Namshiq juwa ümchaü aho riitlan; namshiq ka anai anai she mirhan!”

Hawa Naga Bible 2001

²¹ Majuiuc sungthuiuz rvmthuiuz rvhumc vtuinx nuimshiq kuex thuinhvlx yaq; yvmx khoc lac ngoz ruiux lec nuimshiq kuex phoay vrungx yaungx wuez tuinx! Majuiuc vkhoarc vnyerc rvhumc jix nuimshiq kuex thuinhvlx yaq; yvmx khoc lac ngoz ruiux lec nuimshiq kokez juing raungwuic httuiuc wvnc tuex!

Muklom

²¹ Thanga chamlal tey tang ma sunmaan chammatakoi nim sha uphut sey ang nin! Thanga qhapnge aa tang sha sunmaan chammatakoi jina nim sha uqhit ang nin!

Luke 6:21 Referencias Cruzadas

RAPHA HIQWA LAK 17:17

Abraham raq manto tiichhi atheaphi ka hiq na tiithanli bumto. Shatmaq apaiq raq akha tiima raüta anai rai she riito, “Maiq ka arawii shishi she kriiwe raq ase ka mihumlot shea? Kiimaq Sara ka wiiroq tiikaü she kriiraq ase ka mihumlot shea?”

RAPHA HIQWA LAK 21:6

Sara raq nguto, “Shiikeawe raq ngi ma chochi tiisaüto kiimaq atiinai riito. Ara tsütsa ara juro taitlaq kriiti ka ngi rai anai mirdam.”

Tvtsvmc 107:9

Apaiq raq letsiti ma kham tiinyangtlo kiimaq aramtsiti ma aheaphan phetak tiiphaqsiqtlo.

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

Tvtsvmc 143:6

Ijaq ra na dolata ümjaq wa achu jaü tiikang; hiqthung shinriiqriiq ikha itsaiji ka ümwokhong na siro khamnyangtsi raq apit ikha sitlo.

Tvtsvmc 17:15

Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.

Tvtsvmc 28:7

Tatiwe raq ngi khupwong kuqtlo kiimaq tiichhiitlo; ngi raq apaiq ma kamtiikang. Apaiq raq ngi khrumtlo kiimaq ngi tiichochitlo; ngi raq apaiq ka chojong chise shinge lata shomsiq tiikang.

Tvtsvmc 65:4

Kechu jonghea juwa ümniiraq tsea tlaü, tsangshiq ka ümniiraq asii ümjam na tiisi wan tlaü. Naishiq ka ümjam na athuk atsom thun kra miitu khoqriiqkhiq misi hai, asii üm Shomjam achu shiiman kra miitu.

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

ISAIA 30:19

Namshiq Jerusalem na siti mungmaiqse ka hoqsii ruqruq ka hoqsii man she miraq. Tatiwe ka mangchan heawe. Krai mren namshiq raq apaiq man na ümtiikiiwa khrum jaüjaü mihoqsiihan, apaiq raq namshiq achu jaü mitrekuq.

ISAIA 66:10

Jerusalem rai chochi ronglaq; apaiq miitu khoqriiq ronglaq, namshiq ara chela lungwiiti tarü! Arnyung rai ümchaü chochi ronglaq, namshiq tarü apaiq miitu hoq wan lanti raq!

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

Matthew 5:4

“Juwa aho ajü sitlaq kriiti ma chochi; Shiikeawe raq tsangshiq miboq pum!”

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Luke 1:53

Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.

Luke 6:20

Jesuq raq ajaqshisetiim pha nü na lii raüta chongto, “Namshiq miitsan maiqse ma chochi; Shiikeawe Mungtn ka namshiq rii!”

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Luke 6:25

“Ümchaü arong awin nguta sitlanti ma, phiiptsi chang jonghea. Namshiq ka songtsi ramtsi riili she micham chao wan han! “Ümchaü juwa naihü hihe maq sitlanti ma, phiiptsi chang jonghea. Namshiq ka maaho manyi li she michamchao wan han!”

John 11:35

Jesuq ka aho riito.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

1 Corinthians 4:11

Ümchaü ranaiq niitaq, naishiq ka amang ale, kham nyang wiikii tsi li sitiikai. Naishiq khu akhea ka tiichai miiphai! Naishiq ka maiqmo holaitli sitiikai. Naishiq ka jamhü wakhü, mangtam ikha sitiikai.

2 Corinthians 11:27

Jaqsham kaiwa ümtinkhan wa, hunnii wankang. Ümtinkhan wa, rawa konhü maq sham wan kang. Khamnyang wiikii tsi maq ümtinkhan wa lea wan kang. Ngi ümtinkhan wa, amang ale miili, khuhü kheahü miili lea wan kang.

2 Corinthians 12:10

Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.

Revelation 7:16

Tsangshiq ma songtsi ramtsi min ahü she, khamnyang wiikii tsi min ahü she. Chumtsi shekii min ahü she, rakii tsi riimin chaq mak she.