Luke 6:18 - ASII LAKDAP Bible (BSI)

¹⁸ Tsangshiq ka Jesuq traho bomchong kra taiwa nai tsangshiq thuptsi thatsi thun kra tiiheawa nguta waraito. Kra maiqphong waraitaq kiijaq, abi winji raq arom wanti min maiq ka asi riito. Kiimaq tsangshiq thatsi kiimin wiita tiihea kuqto.

Hawa Naga Bible 2001

¹⁸ Tsuingshiq kuex vpiq kvjaz tay kay nuiyc miqmac thuiuz vsac kuex hvlc wvnc lvp tvkoc vhttuiuc kaz rvtueq, sawc muq htaungc rueq tvkuilc daz yaq jix htenc muinz kaz vtueq hvlx wvnc wuez tueq.

Muklom

¹⁸ Ning tha piq raaq tatma rong thuta etho ning taksa taqhal ma rong thuta. Etho anaan tsija tang eq tatsamnang tey tang tha tho thu eq uqhal angta.

Luke 6:18 Referencias Cruzadas

Matthew 15:22

Kiijiishe, kra hong na siti Kanan nok phan jechak nyung ashi ka Jesuq phana kiraüta, “Dawit Se loi, ngi ara mangchan laq! I se jechak se ka tsak raq rom wanto. Apaiq ka pinthum atsi chamchao rai tlo,” nguta tiipaiqnea hoq kito.

Matthew 17:15

Kiimaq Jesuq ma akha tiipaiqneato, “Shiilangwe le, i se ara mangchan laq! I se ka angaq tsi. Atsi dong raüla pe awa na khiim wan man sap mak. Kiimaq tum ajü na thap wan man sap mak pheho tlo.

Luke 6:17

Jesuq ka hiqlam maq, akiimwetiim rai satki raüta, hiq thung ba na, ajaqshisetiim pahea rai chapto. Maiq mungnyung mungse, Judia wang tlotli wa, kiimaq Jerusalem wa, kiimaq Tajar nai Sidon hong na khamjong kii na atei chela thun wa awa rai thun ka kiijaq thungto.

Luke 6:19

Jesuq khum na ningkun ka jonghea asi. Kriikha maq, maiq tarü raq tsangshiq thatsi kra tiihea miitu, apaiq dii na jaq maq sham shiichaqto. Krai mren, Jesuq khum wa adong ningkun raq, apaiq dii na jaq maq shamti thun thatsi ka wiita tiihea kuqto.

Acts 5:16

Krai mren, Jerusalem tro na maiqhiq ümchuwa sitlaq kiiwa maiq ka kongta hushhu maq, riitsap riikhat atsi asiti nai abi winji raq arom wanti thun ka, aboq chang aboq, kiimaq ashea chang ashea raüta, Jerusalem na saü wanto. Kra maiq atsiti ümchuwa saü wantaq thun ka thumthum atsi tiihea kuqto.