Luke 5:24 - ASII LAKDAP Bible (BSI)

²⁴ Riita, Maiq Se raq ara mangjong maiqse ma ngarai diike wan arang ho tlo nguta namshiq ma hakhi tiichhi kuqpha,” nguta tsangshiq ma chongkuqto. Kra ngu raütiishe, apaiq raq ahan ama we kiima, “Ngi Maiq Se raq aming kuqtiikang. Tiidolaq. Laüta chaplaq. Kiimaq ümdamsii ka pilaq. Laüta ümjam na walaq!” nguta apaiq ka thaüto.

Hawa Naga Bible 2001

²⁴ Miq Saz vruex kuex ghaq htauk wawc mvrax dawc kuy tvkoc vrangx vpangx vhttax lvmx kuex nuimshiq muex ngaz rueq hakhix tvkhic vphaungx,” ngoz tueq vhtaq maq vjungx gvnmaungx waz muex, “Mnoz muex ngaz rueq jungx kuq ix, kvtenc kuiuz mkhvy tuimx kuex pix vtueq m-yuimx nuex waung wvnc kuiuz!” ngoz kuq tueq.

Muklom

²⁴ Etharin Miqna Sa ma tho iri mingkang na ngarey raa tolchak ma authority atha ta nga nim ma takhi eq phanáng.” Ethi jio piq aa jak aja mey thamot moq miqwa thima batta, “Nga nang ma batphang, tunshat eq ba jibching kol tunsom u etho him náng wáng u!”

Luke 5:24 Referencias Cruzadas

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Matthew 16:13

Jesuq nai ajaqshisetiim ka Seseria hong na Philipia chela tho na wawanto. Kiijaq saü raüta apaiq raq ajaqshisetiim ma waito, “Mungmaiqse raq Maiq Se ka ju nguto riichongtla?”

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 9:6

Ikhiijiila, ngi raq namshiq ma, Maiq Se riika, mangjong hiq na ngarai diike wan miitu arang ho tlo nguta tiichhikuq pha,” ngutiishe tsangshiq ma chongto. Kra chongtaq krai mren, apaiq raq ahan ama arki we ka, “Tiidolaq, chap laq, laüta ümdamsii ka kom laq, laüta ümjam niishe wawan laq!” nguta thaüto.

Luke 5:13

Kiijiishe, Jesuq raq ajaq ka tiipii saq raüta, adü na jaq maq sham lam maq, “Ngi raq tiiheake rotiikang. Ümchaü min thatsi ka siikikiq!” nguta treto. Krai mren, kriiwe rampun tsi ka, tiidoqra heasaq heakito.

Luke 5:18

Maiq wiijamti raq, maiq weshi, ahan ama arki we kra, damsii na pihoto. Kiimaq tsangshiq raq apaiq ka jam mong na pi wan raüta, Jesuq khaki na tiibum wa nguta wato.

Luke 5:23

Riita, ‘Ümngarai thun kra diibaiqto she,’ nguta ngo sha aje lin, sha, ‘Tiidolaq, laüta khumlaq,’ nguta ngo wa ajelin?

Luke 7:14

Raütiishe, apaiq ka tiisotsaq raüta, ajaq maq maiq ma tek na shamto. Kiimaq maiq ma pitibi min chapsaq achap riikito. Kiijiishe, Jesuq raq, “Norii we loi! Ngi chongpha, tiido laq, laüta chap laq!” nguta ama we kra thaüto.

Luke 8:54

Shatmaq, Jesuq raq no ka ajaq maq sham raüta, “I se le, tiido laq!” nguta heato.

John 11:43

Apaiq raq akha achu jaülot raütiishe, tiihong raüta, “Lajaras dongkikiq!” nguta heato.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

Acts 14:10

Raüta kiqhang ajong maq, “Tiidolaq, laüta rusan chaplaq!” nguta thaüto. Kra tai raüta, kriiwe ka tiidopot chap hiiq she riito. Raüta, aphe aphiiq, adoq haha she, kra tro niishe aheawiq, maiqhea hongkükü she khum hoto.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Acts 9:34

Petar raq apaiq ma, “Ainias, Jesuq Khristo raq ümthatsi ka tiihea kuqto she. Tiidolaq. Laüta, ümchangdü ka tiihea laq,” nguta thaüto. Krai mren, Ainias ka abum wa tiidopot chap hiiq heakito.

Acts 9:40

Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.

Revelation 1:13

Kiimaq kra piijongteng kham wang mong na, maiqwe ikha samtong honglu jonghea, ahokphi na saüli samraü, kiimaq chaq shinket pa raü chhikang.