Luke 5:21 - ASII LAKDAP Bible (BSI)

²¹ Kra tai raütiishe, Thungri shrinketibi nai Phorisinok ka, “Riita, arwe arka juwa, akha apii riikhiq bomtlaq ara! Ngarai diiketi ka Shiikeawe li khata!” nguta tsangshiq maiqmii liipan na riibomto.

Hawa Naga Bible 2001

²¹ Tvrac tvluingc waz hez nuiyc Pharise nuk rueq, “Vruex waz kuex yvmx khoc miq lac vpiq rueq Tishox muex yomnamc kvjaz kvjak yaq! Tishox maq lvy vtueq uraq lac mvrax dawc kuq lot yaq nguinx!” ngoz tueq tvmaung wuez tueq.

Muklom

²¹ Thong tatal tang nia Phorisi tang aa ning ni ning jaktung o tha batta, “Iri miqwa ri piq ni piq ma chamta tathin aa? Iri raaq raa Shkewa miiksuk! Shkewa hun ngarey sha jin tolchakna!”

Luke 5:21 Referencias Cruzadas

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

Tvtsvmc 130:4

Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

Tvtsvmc 35:5

Tsangshiq ka tsamkü rahai raq pan wantlaq ikha mipan wanlaq Tatiwe raq tsangshiq jowantlaq na!

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

DANIEL 9:19

Tatiwe lei, naishiq achu jaü tre laq. Tatiwe lei, naishiq mra diikuq laq. Tatiwe lei naishiq achu jaü tailaq. Laüta jaq ka shamkuq laq! Kra nguraü jiitiq maiqse angu wiita raq, ümniika Shiikeawe dea nguta misap wan. Naq tiihitkiq she! Ara chela arka ümchela. Kiimaq arnok arka ümsengi.”

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

LEWI 24:16

Kiimaq apaiq ka tseabaiq raa dongdii. Israilnok wa juli jiimin, riimakla wanshawe pong mungti Israilnok rai sidamti jurwa Tatiwe ma manson kiqsü bomtlaq, kriiti ka nokwe raq long maq tiiq raüta tseabaiq raa.

Mikha 7:19

Ümniiraq naishiq ma tiihang mangchan mikuq haü. Ümniiraq naishiq ngarai ka, ümji maq nishishi minibaiq haü. Laüta sammok tra chum na midobaiq haü!

Matthew 26:65

Kra tai raütiishe Ramwe Ajong Pinthum we raq adü na asam samtong jong kaü kra chaihea raüta nguto, “Riiqkhiq pinthum kiqshut! Nashiq ma hakhi ahin rit min ra mak she! Singmung le, namshiq raq maiqmii ni maq apaiq ka Shiikeawe rai mren arang hoti we nguta riiqkhiq apii pinthum kiqshut bomtaq kra tai lan she kata!

Matthew 9:3

Kra tairaüta, Thungtri shrinketi shrabi wiijamti raq tsangshiq liipan na, “Arwe raq ara Shiikeawe khü maq tiihong raüta riikhiq ashut bomtlo!” nguta riibomto.

Luke 3:8

Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!

Luke 5:17

Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Luke 5:22

Kra tai raütiishe, Jesuq raq tsangshiq tsan mong na jamlai wa tiimatlaq, kra kunli asap. Kriikha miishe, apaiq raq tsangshiq ma, “Riita, namtsan mong na akhiika jaram wa tiima tlan?

Luke 7:49

Kra taiwi raütiishe, dungsea nga wan damti maiq ahinti raq, tsangshiq tsan mong na, “Riita, arwe arka juwa, apaiq raq ngarai dongdii min diikuq lot lili ka?” nguta tiimato.

John 10:33

Tsangshiq raq treto, “Naishiq raq ümnaq atsea baiq tankhan tiikai arka, ümjaq sham ahea awa phan sham laüta riimak. Shatmaq, ümniiraq ümniika Shiikeawe rai riingea riingea siwan tiikang nguta, riikhiq pinthum kiqshut bom bom tlaü kriikha na, tsea baiq tan tiikai,” nguta tsangshiq raq apaiq bom ka treto.

Romans 8:33

Shiikeawe riishe, asengi ma nguta atsea wan kun she sitlaq kriika, ajiq nguta jurshe wa mishra wan lot? Shiikeawe apaiq riishe, tsangshiq dü na, kha ahü she nguta, kha aphoke wan wishe!