Luke 4:25 - ASII LAKDAP Bible (BSI)

²⁵ Kra ngu raütiishe Jesuq raq tsangshiq ma akha chongkuqto, “Ngi chongpha, taironglaq: Shammi we Elija pat na, Israilnok mung na manti-nyungre ka pahea riito. Kra pat na wiitsam ri wiithiq ka, ra ka akhiismin jun mak dongdii, rarin dongto. Kriikha maq, Israil mung tlotli na henghea pinthum ramdongto.

Hawa Naga Bible 2001

²⁵ “Ngaz rueq jungx ix tay shuinz: Elia pat nuex Israel mungx nuex wawc thuimx rac yapix lex tvruk raungyunx muq raungx ranx wvnc ruiux, kvruex mungx nuex rvmc yunghvlc dung wvnc vtueq Israel nuex mvntix nyuiuz tamx paunghvlc httax tueq.

Muklom

²⁵ Nga nim ma asing batphang, rangsamal Elijah rangham tho pang tom tangko nángduk rangtsey moq angta tho rapney tsamnang nia shong aa cham angta. Etho eshi rangham tho Israel haq na notinu tang daqhan angta.

Luke 4:25 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

ISAIA 55:8

Tatiwe raq ngutlo, “Ngi tiima ka ümnaq tiima kiikha riimak, kiimaq ilam phan ka ümlam phan kiikha riimak, pong.

Matthew 20:15

Ngi raq i kampho arka, ngi raq aroro na shaphaq lot mang sha? Shea ngi raq nanok ma jaq chii jichii maq phong tsoktsok kewan kra chhi laüta, ümkhun nü sha tsi rai tla?’ ”

Luke 10:21

Kra akhing na, Jesuq khum na Asii Wenyi ka ama riito. Krai mren, apaiq ka kai chochito. Kiimaq apaiq ka akha achu jaü bomto, “Iwe lei, ra nai hiq Rümtiwe lei! Ngi raq ümniima pinthum kechutum tiikang. Ümniiraq phaqchi maiqse nai asap atsinti maiqse miika, arthun arka apaü riiwan tlaü. Shatmaq, jam min saptsin makti ma, ümniiraq arthun ara tiichhi kuq tlaü. Ngohea dea, i we lei, ümniiraq tiima tlaü kra phan phan she dea hongtha wanto.

Romans 9:15

Akha, jamkhano ngulot mai ngukla, apaiq raq Mosheq ma, “Ngi raq ju miiwa atiihangke wan lungwii tiikang, kriiti ka mitiihang kuq wan ha. Kiimaq ngi raq ju miiwa, mangchan tiichhi ke wan lungwii tiikang, kriiti ma, mangchan mitiichhi kuq wan ha,” nguta chongkuqto.

Romans 9:20

Shatmaq, i phuno we, riita, ümniika ju wiita, Shiikeawe kiq kra khü wan miika? Hamtak ashi riika, apaiq tiiq lowanti we kiima, “Ümniiraq ngi arka, akha jam nguto tiiq laü?” nguta bom ka wai mak.

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:9

Shiikeawe raq, phanrap ka thimi wanto. Raüta apaiq raq thimi wantaq, apaü raüta athü jaqsham kra Khristo pum niishe jaqsham ka shiikuto.

James 5:17

Elija ka nashiq akhnok maiqse siili riito. Apaiq raq kam raüta, atsi dada maq, ra naq tiijunkiq nguta achu jaüto. Kiimaq wiitsam ri wiithiq Israilnok mung na ra jun mak riito.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.