Luke 4:23 - ASII LAKDAP Bible (BSI)

²³ Kiijiishe apaiq raq, “Ngi raq sapshat, namshiq raq, ngi ka ara bomtsi armaq mikhettot han, ‘Taktot we, ümthatsi ka kongkhu tiihea liishaq,’ nguta mishipoq han. Kiimaq, namshiq raq, ngi nangnga, Kaparniam na awang chang jaqsham wankang kra, ara i hiqshong ajiimin sham nonglaq nguta mingu han.”

Hawa Naga Bible 2001

²³ Vpiq rueq, “Nuimshiq rueq ngaz muex, ‘Phumz shuimc jix waz lex, mshauk m-gvnz kuex tvhvlc shuiuz nauz,’ ngoz tueq jungx ruiux yaq bomc tvguip maq ngaz muex ngoz phuinx. Kapernaum ghaq nuex mnoz rueq shuimx wvnc toq ngoz tueq nuiyshiq rueq tay lvp vshix yauk shuimc htenc kuex miqmac ghaq nuex muinz shuimx tvkhic shuiuz ngoz tueq ngaz muex nuimshiq rueq ngoz phuinx,” ngoz tueq tsuingshiq muex jungx tueq.

Muklom

²³ Piq aa ning ma batta, “Nga usam eq ang, nim aa iri raaq tang raa nga ma bat phanin, ‘Taksa siintey, nang ni nang shi taqhal u. Capernaumna nang aa chamlang somlo tu tha í aa tatti, eshimal hun iri samhaq roq somlo u.’

Luke 4:23 Referencias Cruzadas

Matthew 13:54

Raüta apaiq sichang Najareth chela niishe wawanto. Kiimaq apaiq raq kiijaq sinagok na tra hokuq wanto. Kiimaq apaiq traho bomchong taiwanti thun tarü ka kai amao riito. Kriikha maq tsangshiq raq, “Apaiq raq atin khan anyan phaqchi arka jambawo saptsin wan ta nya?” nguta tsangshiq liipan na riibomto. “Kiimaq apaiq raq atin khan awang chang jaqshamtlaq arka jamkho shamtla nya?

Matthew 4:13

Apaiq ka Najareth hiq na simak she riito. Shatmaq, Jebulun nai Naphtali weraü sichang hong na Gelili Thamkii tho na Kaparniam chela na wawan raütiishe siwato.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Mark 6:1

Jesuq ka kiimaq ajaqshisetiim rai ahiq shong chela niishe hali jang wan nongto.

Luke 2:39

Joseph nai Meriq raq Tatiwe Thungtri jaqsham lot raütiishe, tsangshiq hiq shong, Gelili wang na Najareth chela na hali jang wan nongto.

Luke 2:51

Riita, Jesuq ka anyungwe rai, Najareth hiq na hali jang wan damto. Raüta apaiq ka anyungwe wokhong na phaqchii nichii maq sito. Anyung raq arthun bomtsi lea wantaq arka, atsan mong na tiitsang dada maq shiwea wan raüta shaqthüto.

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

Luke 4:31

Kra miishe, Jesuq ka Gelili wang na, Kaparniam chela kiiniishe wawanto. Raüta, Asii Niitiitsak ranaiq na, sinagok maq nokmaiqse ma tra hokuqto.

Luke 4:35

Jesuq raq ashe tha winji ka, “Kaiq laq, laüta, arwe khum wa dongho tlo laq!” nguta jobaiqto. Kiijiishe Tha raq kriiwe ka hiq na tiikülam she, tsangshiq tarü makki na liiq baito. Raüta, tha ka apaiq khum kiiwiishe donghoto. Shatmaq, tha raq apaiq ka tiimitsi mak dea.

Luke 6:42

Ümniiraq ümphuno we ma, ‘Phuno we, ümmak na sinchiise asi kra lamkuq pha,’ ngutiika jamkho ngutlaü? Shatmaq, ümmak na pepan kaü tiihap raü kra riiwe ka chhi maü? Ümniika mongnam! Apha na ümmak wa, pepan kaü tiihap tlaq kra kongkhu lambaiq laq. Kra lot jai shetiq, ümniiraq ümphuno we mak wa, sinchü kra khangriri hea she michhi haü. Kiimaq milam kuq lot haü.”

John 4:28

Kiijiishe jechak nyung ka akham tak kiimin kiijiili baiqthü tlii raüta, chela kiiniishe wawanto. Raüta kiijaq nokwe ma bom ka akha chongto.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.