Luke 4:20 - ASII LAKDAP Bible (BSI)

²⁰ Jesuq raq lakdam kom ka, akom riinong raüta, sinagok liidamti we jaq na hali jang kuq nongto. Kiimaq, apaiq ka anga riito. Kiimaq, sinagok na ngati thun maiq wiitarü raq, tsangshiq maklii ka apaiq phanü na tsangrakrak maq siisaq liito.

Hawa Naga Bible 2001

²⁰ Yesu rueq luik yauk kuex tul vtueq vjux thoz yuimx bvmc jix waz muex yez kuq ruiux ngaungc tueq. Vjux thoz yuimx nuex httax yaq miq lotlaz rueq vpiq kuex tvtsuingc lawc tueq.

Muklom

²⁰ Jesu likdap kol tha pol eq ushingtey wa jak thináng kot eq tong kata. Synagogue na chamtan miqtang eq piq ching konáng siin chey ta.

Luke 4:20 Referencias Cruzadas

Matthew 26:55

Kra bomlot raütiishe, Jesuq raq maiqphong kiima nguto, “Namshiq ka ngi lap wa nguta wiija wiipiq kiimaq klata pi raq maq thiimeaq daku we lapwa ikha warai man sha ra rai ta? Ngi ka wranaiqshe Shomjam na nga lata namshiq ma tra hokuq wan kang ihata. Riita namshiq raq ngi ka kiiwa jamto lap man riilan.

Matthew 27:60

Raüta apaiq raq amakho miitu nguta longkhok anye ashi awatthü kra mong kiijaq Jesuq ma ka saiqsam thüto. Raüta apaiq raq longkaü ajong wiq ashi maq longsha kilü kra shaq thüto. Raüta apaiq ka jam niishe wawanto.

Luke 19:48

Shatmaq, mungmaiqse raq apaiq bom chongke traho bomtsi kriika poshi min tiikhea mak maq tai wan ruq riito. Kriikha maq, tsangshiq raq apaiq ka tsatlot mak dea riito.

Luke 4:17

Kiimaq apaiq ma, shammi Isaia lakdap ka lamkuqto. Apaiq raq lakdam kom ka tlii lin raüta, ara bomtsi ara phatto,

Luke 4:21

Apaiq raq tsangshiq ma, “Ara Asii bomtsi phat kai arka, ümchaü ranaiq namshiq makki niishe kuwato,” nguta tsangshiq ma tra hokuqto.

Luke 5:3

Lai ashi kriika, Simon lai riito. Jesuq ka Simon laiti kiina nga wato. Raüta, apaiq ma lai ka kham mong linlin kiina thu wan laq nguta thaüto. Kiijiishe Jesuq ka lai na nga wa raütiishe, mungmaiqse thungtlaq kiima trahokuqto.

John 8:2

Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.

Acts 16:13

Asii Niitiitsak ranaiq na naishiq kra chela phai na jürai ashi asi kiina kihokai. Laita, kiijaq Jehudinok achu jaü riitam ngachang bashi asi sham nguta tiima laita kikai. Kiijaq naishiq ka adam na riitam ngakai. Laita, jechakre kiijaq ümchuwa lomdamtaq kiima tsütsa ka chongkuq kai.

Acts 3:12

Petar raq nokmaiqse riitsap khat rai wan tlaq kra chhi raütiishe, apaiq raq tsangshiq ma akha ngutiishe trahokuq hoto, “I nok i hiq Israil mungti lei; namshiq ka ara maiqwe thatsi heakai kra chhi lanta, jam nguto wangrai tlan? Kiimaq namshiq raq naishiq ka jamlai nguto liirat holan? Arka naishiq ningkun maq nai naishiq ka kechu maiqse kha maq, arwe thatsi ara tiihea kuqto ngutiisha tiima tlan?