Luke 3:36 - ASII LAKDAP Bible (BSI)

³⁶ Shela ka Kainan se. Kainan ka Arphajad se. Arphajad ka Shem se. Shem ka Nowaq se. Nowaq ka Lamekh se.

Hawa Naga Bible 2001

³⁶ Shela kuex Kainan saz, Kainan kuex Arphazad saz, Arphazad kuex Shem saz, Shem kuex Noa saz, Noa kuex Lamek saz,

Muklom

³⁶ Shelah tha Cainan miqwasa angta. Cainan tha Arphaxad miqwasa angta. Arphaxad tha Shem miqwasa angta. Shem tha Noah miqwasa angta. Noah tha Lamech miqwasa angta.

Luke 3:36 Referencias Cruzadas

RAPHA HIQWA LAK 5:3

Riita Atam ka arawii 130 she angu na ase maiqwe se ashi, apaiq la apaiq humto. Kiimaq apaiq raq apaiq ka Seth nguta mangto.

RAPHA HIQWA LAK 6:22

Kiimaq Nowaq raq Shiikeawe raq aming kuqtaq kra phan phan kloto.

RAPHA HIQWA LAK 7:13

Kra ranaiqsii hali Nowaq nai tsang-nyung ka tsangsetiim wetsam Shem, Ham, kiimaq Japheth, kiimaq tsang-nyungtiim rai lai mong na düwanto.

RAPHA HIQWA LAK 7:23

Tatiwe raq hiqraikhü wa atra phan wiita tiithen baiqto, maiq phan ngusaq, ngam phan ngusaq, kiimaq wushi phan ngusaq wiita tiithen baiqto. Atra tiichongkitaq kriika Nowaq nai apaiq rai ümchuwa lai mong na siti thun kriili tiichongto.

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

RAPHA HIQWA LAK 9:1

Shiikeawe raq Nowaq nai asetiim ka shiimanto. Raüta akha nguto, “Ümsetiim ka pahea mipulaq. Raüta ümlai ümla thun raq mangjong hiq ka hamli misilaq.

RAPHA HIQWA LAK 9:18

Nowaq setiim lai mong maq adongki thun ka arthun ara, Shem, Ham, kiimaq Japheth. (Ham ka Kanan ma awe.)

1 KAÜWA WERAÜ 1:1

Atam ka Seth ma awe, Seth ka Enosh ma awe, Enosh ka Kenan ma awe,

1 KAÜWA WERAÜ 1:17

Shem setiim ka: Elam, Asshur, Arpakhshad, Lud, Aram, Uj, Hul, Gethar, kiimaq Meshek riito. Tsangshiq kata tsangmang pon raüta siti maiqphan ma atitiim.

EJEKIEL 14:14

Kiijaq kra maiq wetsam, Nowaq, Daniel kiimaq Job kra asi nguraü min, tsangshiq kechu riilung riika tsangshiq maiqmii khum lamlam kli mitiichhii wan lot.” Arka Ngi, Tati Rakaü Hiqwe raq ngutiikang.

Luke 17:27

Maiqse angu wiitarü ka, che nyang dungsea peo wali riito. Kiimaq jechak maiqwe ka arlam arwa tlungwii seali riito. Nowaq ka lai mong na dü wan jai, jülüm wan ranaiq na saüli, mangjong maiqse ka peo siqto. Raüta, mangjong maiqse ka tiimiqchup jiim wanto.

Luke 3:35

Nahor ka Serug se. Serug ka Reu se. Reu ka Peleg se. Peleg ka Ebar se. Ebar ka Shela se.

Luke 3:37

Lamekh ka Methusela se. Methusela ka Enokh se. Enokh ka Jared se. Jared ka Mahalaleel se. Mahalaleel ka Kenan se.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

1 Peter 3:20

Riita ara chongtiikai winji khum arka, Nowaq raq laita wantaq akhing na siti, Shiikeawe bom tleati riito. Shiikeawe riika tsangshiq ka kai tsan tiitsi raüta khe wanto. Shatmaq tsangshiq raq kam mak riito. Maiq atsapse li, tsangshiq tiichat lai mong na ngataq kriiti kli rathup jüjang mong wa kham thaq maq tiichhii kuqto.

2 Peter 2:5

Nashiq raq asap i, Shiikeawe raq man na, richü pat wa ngarai lamphanti mangjong maiqse kunli tiimiqchup thaübaiqto. Apaiq raq rathup jüjang tlüm raüta mangjong maiqse wiita laimiq tiithum baiqto. Shatmaq apaiq raq Nowaq nai ajamti maiq miishi kli tiichhii kuqto. Nowaq ka kechu rilung lamphan chongketi.