Luke 3:18 - ASII LAKDAP Bible (BSI)

¹⁸ Ara chong tiikai akha, Johan raq nokmaiqse ma Tsütsa Ahea ka phanrap phanrii maq shiiton raüta chongkuqto. Kiimaq tsangshiq tsantsii ka ngarai lam phan kiiwa, klai tlo ronglaq nguta chong kuqto.

Hawa Naga Bible 2001

¹⁸ Yohan rueq vganc lvmx phvnx ruip saz maq muinz, Thuix Thaungx Vhvlx jungphvnx vtueq tsuingshiq lvmx htenc kvlayc wvnc tvkoc tvhonc tvtharc kuq tueq.

Muklom

¹⁸ Uphan phan lam o John aa miqtang ma tungtang aqhal raaq phanchan kota etho kalo hun nim lam sha kaley ching.

Luke 3:18 Referencias Cruzadas

Luke 3:17

Apaiq ka ümchaü, akhing na wankhü kaü doshat miishe khetlo. Kriimaq, tsam achhii chhii thun kriika wiita ajap mirbaiq. Raüta, tsam awongsiisii thun kriika, tum akhiiq mong niishe samhea wiq maq misaiq sam. Kiimaq tsam achhii chhii thun kriika, pattup pat-sa matki mak phan walü nyai rai wan tlaq kiijiishe miphong chaq baiq.”

Luke 3:19

Shatmaq, Johan raq Wanghupti we Herod kriika ason riito. Apaiq ka jamkhano sonta ngukla, apaiq raq anochhi-nyung Herodias kra romphaqto. Kiimaq apaiq raq abi ngarai pahea tang wantaq kriikha na sonto.

John 1:15

Johan raq nokmaiqse ma, apaiq tsütsa ka chongphan kuqto. Apaiq raq chiiriim raüta, “Arwe ahata ngi raq namshiq ma, ‘Apaiq ka i jai na kitlo. Shatmaq, apaiq ka ngi nam ma ajong. Apaiq ka jamkhano ngi ma ajong ngukla, apaiq ka i rawii min michhi shaq niiphü, apaiq ka asi dongdii,’” nguta nokmaiqse ma traho kuqto.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Acts 20:2

Apaiq ka kra wang binjü maq wawanto. Raüta kra binjü na siti phunainotiim ma tsaido jido bomtsi pahea chongkuq wanwan wawanto. Raütiishe apaiq ka Akaia wang na wawanto.

Romans 12:8

Kiimaq nanok ma tsaiji doke wan kongphiq kuqtaq jiika, nashiq raq nanok ma, tsaido jido jaqsham kra shamke wan chang. Kiimaq, jurwa jaqchii jichii maq nanok khrum kuq wan tlaq, kriiti riimin, nanok khrumke wan jaqsham kra sham wan chang. Juwa maiqla ma jaraüta, se ano ka shun shea wan tlaq, kriiti raq pinthum jaqsham shiichaq wan chang. Kiimaq, jurwa nanok atsi asiti, alit akotti, wikaü tikiiti, kiimaq thümwaq mantibi ma khrum kuq wan tlaq, kriiti riimin chojong chise maq shamke wan chang.