Luke 24:52 - ASII LAKDAP Bible (BSI)

⁵² Tsangshiq raq apaiq ka shomnoqto. Raüta tsangshiq ka, chojong chise miishe, Jerusalem na hali jang wan nongto.

Hawa Naga Bible 2001

⁵² Tsuingshiq rueq vpiq muex nawk palx wuez vtueq pinhtumc vkoz vkez maq Yerusalem nuex yek waung tueq,

Muklom

⁵² Ning aa piq tha shumnuk eq tin na rapney sungrang eq Jerusalem náng wey welta.

Luke 24:52 Referencias Cruzadas

Tvtsvmc 30:11

Ümniiraq ngi jümii ka polokhiq wiinumsea miishe tiijakuq laü; ümniiraq ngi jonjü ka lambaiq laü she, laüta ngi ma chochi rilung she kuq laü.

Matthew 28:17

Kiijaq tsangshiq raq Jesuq ka chhito. Raüta tsangshiq tsan mong niika apaiq ka Jesuq dea sham nguta kamto chhaq ka kam mak dea li jiimin, tsangshiq raq apaiq ka shomnoq wanto.

Matthew 28:9

Shatmaq, tiidong chhaq miili, Jesuq ka tsangnai rai riihumto. Raüta tsangnai ma, “Namnai ma khu asang mirlaq,” nguta bomdamto. Kiimaq tsangnai riimin apaiq phana tiisot saq, raüta ahokpe na sham rang raütiishe apaiq ka shomnoqto.

Luke 24:51

Apaiq raq tsangshiq ma ramram kerea lam miili she, apaiq ka ramungtan niishe shea wan nongto.

Luke 24:53

Raüta, tsangshiq akhing tlotli ka Shomjam na Shiikeawe ma kechutum raüta siwanto.

John 14:28

Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong.

John 16:22

Ara chongtiikang akha, namshiq miimin akhing she saü wato. Namshiq ma ümchaü ka tsanbi hosi akhing saüwato. Shatmaq, ngi ka namshiq rai mirhum nong kang. Kiimaq, namshiq ka khoqriiq shishiiq miili she misi wan han. Kra namshiq tsan mong wa chochi tsii kriika, jurmin khot-ho lot mak she miraq.

John 16:7

Shatmaq, ngi raq ara bomtsi chongtiikang arka tengteng: Ngi arwa wawan tiikang arka, namshiq ma ahea tingkhu wawan tiikang. Ara jamkhano chongtiikang ngukla, ngi ka wawan mang ngu raü jiika, Khrumketi we ka namshiq phana saüki mak miraq. Shatmaq, ngi wawan ha jiika, ngi raq apaiq ka namshiq phaniishe mitiikiha.

John 20:28

Kiijiishe, Thomas raq Jesuq bom ka treto, “Ümniidea i Tatiwe kiimaq i Shiikeawe.”

Acts 1:12

Kra miishe, kiimwebi ka Olip Pero Hiqlam maq, Jerusalem chela na hali jang wan nongto. Kra hiqlam kriika, Jerusalem chela maq meng shi tin riito.

1 Peter 1:8

Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.