Luke 24:47 - ASII LAKDAP Bible (BSI)

⁴⁷ Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Hawa Naga Bible 2001

⁴⁷ vpiq muingc maq mvrax dawc kuy lvmz nuiyc thuinz layc wvnc lvmz bomjungc kuex Yerusalem ghaq maq phaungc vtueq miqphvnx ruip rawx muex jungphvnx kuq wvnc shuex.

Muklom

⁴⁷ etho Jerusalem wang phang ang eq thaji phan ma tin kaley etho ngarey wang tolchak phanchan piq miing o kotching.

Luke 24:47 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 67:7

Shiikeawe raq nashiq shiimanto; mangjong hiqraikhü na diimtlaq maiqse wiitarü raq apaiq mishrenglaq.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 49:22

Ajong Thaq Na Ajong Tatiwe raq asenginok ma ngutlo: “Ngi raq maiq mung thun ma miithii mishongkuqha, raüla tsangshiq raq ümsetiim ka jam na mishea wan.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

ISAIA 52:10

Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.

ISAIA 52:15

Shatmaq ümchaü ka maiq mung paheati raq apaiq ma pinthum awang mirwan, kiimaq hokhambi thun ka apaiq sham ka chhiraüta tsang nübok maq abom min dongmak she miraq. Tsangshiq raq michhi raüta misap wan, tsangshiq raq man na chhitai mak phan kriishe misap wan,”

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Hosea 2:23

Kra akhing na Ngi raq isenginok ka, Israil mung na mitiichhanchhi wanha. Kiimaq tsangshiq ka chiithe lüwa mitiija wanha. Lata “lungwiimak” anguti ka milungwiiha. Kiimaq, “Isengi riimak” anguti ka, “Namshiq ka isengi” ngutiishe minguha. Kiimaq tsangshiq raq Ngi ka, “Ümniika i Shiikeawe’’ ngutiishe mihea wan.

Mikha 4:2

Kiimaq tsangshiqnok raq mingu, “Tatiwe hiqlam kiina warong i, Israilnok Shiikeawe Shomjam kiina warong i. Apaiq raq nashiq ma, apaiq wokhong na siwan, rilung lam mishrin kuq. Krai mren nashiq ka apaiq, lam miphan wan rong i. Jamkhano nguhaüla, Tatiwe lamphan tri ka Jerusalem ma midong, kiimaq apaiq raq Jajon maq asengi ma tsü chongkuqtlo.”

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Romans 5:20

Riita, Shiikeawe raq Thungtri khakuq wantaq kriika, maiqse raq ngarai ka apapa mitang wan laq nguta ngo maq kuq wanto. Shatmaq, ümriibano ngarai ka pahea tang wan tlaq, kiijiika Shiikeawe kaphap mangchan tsii ka, akao pahea nyam wan wan khoti miraq.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

1 John 2:12

I setiim lei, Khristo mang na namshiq ngarai thun wiita diibaiq wanto. Kra ngo maq ngi raq namshiq ma waiq tiikang.