Luke 24:39 - ASII LAKDAP Bible (BSI)

³⁹ Namshiq raq maiqmii mak maq, i jaqphi ara lii rong liina. Kiimaq i hokphi ara liirong liina. Lanta, arka ngi dea ahata nguta sap rong liina. I khum arjaq namshiq maiqmii jaq maq chum rong liina. Lanta, namshiq raq arka ngi dea nguta misap han. Ara i khum arka, tiijai han-ngam khum dea ahata nguta misap han. Maji khum niika, arok arii nai tiijai han-ngam ka ahü.”

Hawa Naga Bible 2001

³⁹ Ngaz rvtauk ngvy yauk nuiyc ngvy yaz vruex lawc shuinz. Ngvy gvnz vruex pemz lawc ruiux yuq, nuimshiq rueq tuiuz shuinx, ngaz kuex gvnngvmx nuiyc vrawz vhttax, maungx yac ngoz yaq kuex ngaz vkhoc vruk vrawz httax yaq rvmuq,” ngoz tueq tsuinghez muex jungx tueq.

Muklom

³⁹ Ijak nia japha ri siin inn, ira nga hun. Tat lo eq siin phin, etho nim aa sam nin, chammatakoi ashey jungban tha nim aa khi inn thimal uráng nia ungam ahung.”

Luke 24:39 Referencias Cruzadas

THARC TVLUINGC 12:7

Kiimaq nashiq khum arka hiqda ma hali mijakinong. Kiimaq nashiq rilung tsitsü ka nashiq phansangtiwe, Shiikeawe phana hali mijang nong.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

Luke 23:46

Kiimaq, Jesuq raq tiihong raüta, “I We lei, i wenyi ka ümjaq khon na kiinong kuq tiikang!” nguta gito. Apaiq raq ara ngu raütiishe, alang ka tiipitto.

Luke 24:38

Kiijiishe, apaiq raq tsangshiq ma, “Namshiq ka jam nguta hairai wa? Tsankam tsanko ka jamkho sitlan?

Luke 24:40

Apaiq raq tsangshiq ma ara chongkuq raütiishe, ahokphi nai ajaqphi kra tsangshiq ma tiichhi kuqto.

John 20:20

Kra ngu raütiishe, apaiq raq tsangshiq ma, ajaq phi wiinai na nai asiimpii na, ami phan thun kriishe tiichhi kuqto. Ajaqshisetiim raq Tatiwe ka chhi raüta, pinthum chochito.

John 20:25

Kriikha maq, “Naishiq raq Tatiwe ka chhi kai!” nguta akongtibi raq apaiq ma chongto. Kra tai raüta, “Ngi raq i mak maq, ajaq na khili miphan kiijaq i jaqshi maq chhum mang wiiwii, kiimaq asiimpii miphan na, i jaq maq sham mang wiiwii, ngi ka kamlot mang,” nguta Thomas raq tsangshiq bom ka treto.

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

Hebrews 12:9

Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.