Luke 24:30 - ASII LAKDAP Bible (BSI)

³⁰ Apaiq ka tsangnai rai dungsea dam ngutiishe ngato. Raüta, winsii phu ka ajaq na shamto. Raüta, aram riito. Raütiishe, apaiq raq winsii phu ka tiiphan raüta, tsangnai ma kuqto.

Hawa Naga Bible 2001

³⁰ Vpiq kuex tsuingnueyc rulc roc nuex dungc svy muex ngaungc yaq nuex, wanx kuex lvmz vtueq kejux tvtsvmc ruiux, tv-phuinz phux vtueq tsuingnueyc muex kuq tueq.

Muklom

³⁰ Piq ning jamoq phaksat ma tong atho, piq aa banlo tha somta etho sunmaan ta raaq ta; etho piq aa banlo tha pin eq ning ma phal kotta.

Luke 24:30 Referencias Cruzadas

Matthew 14:19

Raütiishe, apaiq raq mungmaiqse thun ka sangphii rü thaq kiina tiingato. Raütiishe apaiq raq winsii phubiingi nai ngiq shin phu nai ka ajaq na shamto. Raüta ra nü na liito. Kiimaq Shiikeawe ma kechu tumto. Raütiishe apaiq raq winsii ka tiiphanto. Raüta ajaqshisetiim ma kuqto. Ajaqshisetiim riishe nokwe ma pheakuqto.

Matthew 15:36

Kra raütiishe apaiq raq winsii phu miishe nai ngiq shin phusetiim ka ajaq na sham raüta, Shiikeawe ma kechu tumto. Raüta tiiphanto. Raütiishe, ajaqshisetiim ma kuqto. Ajaqshisetiim riishe mungmaiqse ma phea kuqto.

Matthew 26:26

Tsangshiq ka phaqsea rea na, Jesuq raq winsii phushi ajaq na tsunto. Raüta kechutum achu jaüto. Raüta kra tiiphanto. Kiimaq kra ajaqshisetiim ma kuqto, “Ara jaü ronglaq, lanta phaq ronglaq,” nguta apaiq raq nguto. “Arka i ngamphu.”

Mark 14:22

Tsangshiq ka dungsea lam miishe, Jesuq raq winsii phushi ka ajaq na sham raüta, kechutum achu jaüto. Raüta, winsii phu ka tiiphan raüta, ajaqshisetiim ma kelam maq, “Jaü ronglaq; lanta ara phaq ronglaq. Arka i ngam phu,” nguta nguto.

Mark 6:41

Raütiishe, Jesuq raq winsii biingi nai ngi shin anai ka, ajaq na shamto. Raüta, ra nü na lii raüta, Shiikeawe ma kechu tumto. Raüta, apaiq raq winsii ka tiiphan raüta, ajaqshisetiim lümaq nokmaiqse ma tiiphea kuqto. Kiimaq apaiq raq ngiq shin phu nai kiimin tiiphan raüta, tsangshiq maq tiiphea kuqto.

Mark 8:6

Kiijiishe, apaiq raq, “Tarü anga ronglaq,” nguta mungmaiqse ka tiingato. Raüta, apaiq raq winsii thop miishi ka, ajaq na do raüta, Shiikeawe ma kechu tumto. Raüta, winsii ka tiiphanto. Kiimaq ajaqshisetiim ma, winsii ka mungmaiqse ma pheakuq ronglaq nguta kuqto. Krai mren, ajaqshisetiim raq, winsii ka mungmaiqse ma pheakuqto.

Luke 22:19

Kiimahali, apaiq raq winsii ka ashi tsunto. Raüta, Shiikeawe ma kechu tumto. Raüta kra tiiphanto, kiimaq kra tsangshiq ma ake lam maq akha nguto, “Arka i ngam phu. Namshiq miitu akuq. Ngi ka tiima lanta ara klo ronglaq.”

Luke 24:29

Shatmaq, tsangnai raq, “Nainai raili jap wan laq. Rashe ka ümchaü acha she. Kiimaq ümchaü ka ranyaq she” nguta apaiq ka tiiwinto. Krai mren, apaiq ka tsangnai rai adam jap wan dam nguta dü wan damto.

Luke 24:35

Kiijiishe, tsangnai we nai raq, tsangshiq ma tsangnai ma awa lam maq, lam na jamkho riihumkitaq, kiimaq tsangnai raq Tatiwe ka winsii tiiphan kuqtaq akhing na jamkho tiitsang chhitaq, kra tsütsa kriishe tsangshiq ma phanchan kuqto.

Luke 9:16

Jesuq raq winsii phubiingi nai ngiq shin phuse nai anai kriika, ajaq na shamto. Raüta, ra nü na liito. Kiimaq kra miitu, Shiikeawe ma kechu tumto. Raüta, winsii phu thun ka tiiphanto. Kiimaq aphan ka ajaqshisetiim miishe nokwe ma tiiphea kuqto.

John 6:11

Jesuq raq winsii ka ajaq na sham raüta Shiikeawe ma kechu tumto. Raüta, maiqphong ngatlaq kiima tiiphea kuqto. Ngiq phuse nai kiimin kiikhiisii hali kechutum raüta, nokmaiqse ma tiiphea kuqto. Krai mren, maiq tarü raq wok phetak chhaq phaq siqto.

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 27:35

Ara bom chongke jai she, Paul raq winsii thop wiijam ka lam raüta, tsangshiq tarü makki na, Shiikeawe ma kechutum achu jaüto. Raüta winsii ka tsangshiq ma tiiphan kuqto. Kiimaq tsangshiq raq winsii phu ka sham rang raütiishe phaq wito.