Luke 24:27 - ASII LAKDAP Bible (BSI)

²⁷ Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

Hawa Naga Bible 2001

²⁷ Kvmaq Yesu rueq, Moshe rueq vwuiyq shec wawc nuiyc shvmmax bix rueq vwuiyq shec Rumvrc luik htenc wawc vpiq duix nuex tvhungx vtueq vwuiyq shec htenc kuex tsuingnueyc muex jungphvnx kuq tueq.

Muklom

²⁷ Etho Asang likwit na Moses likwit wang phang ang eq rangsamal tang likwit nángduk piq tung araaq chamta witta tha Jesu aa ning ma jaqhal eq bat tan ta.

Luke 24:27 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

RAPHA HIQWA LAK 26:4

Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü.

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 132:11

Ümniiraq Dawit ma akha sinkham kuqlaü— kra kiqkham ka ümniiraq jangho nong maüshe: “Ngi raq ümsetiim phong wa weshi ka hokham ma mishongha, kiimaq apaiq raq üm jai na mung mipeng.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 8:17

Tatiwe apaiq ka asenginok makki wa atiipaü raüta sitlo. Shatmaq ngi ka apaiq ma kam tiikang. Kiimaq iran tsantsii ka apaiq dü na riiwiiq latli sitiikang.

ISAIA 9:1

Ara litkot chamchao walü mong arwa tsangshiq lun wan chang lampu ka ahü she miraq. Jebulun phan shongtaq wangti nai Naphtali phan shongtaq wangti ka man na akhing ashi na munjuk mijuk shongto. Shatmaq rawiichii akhing na arwangti ma shreng manto mikuq wan. Arka Mediterenian khamjong kii binjü maq pha wan raüta shedong mung nü na Jordan rai maq shedong nü wang na saüli miraq. Kiimaq pongmungti shong chang Gelili wang thun kra hamli she minyam wan.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Mikha 5:6

Ningkun ajong maq tsangshiq raq Asiria mung ka mijii wan. Nimrod mung tan ka mitang wan. Kiimaq Asiria mung raq namung khatki tlaq kiiwa, nashiq mitiichhii kuq wan.

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

WEAWEA 21:14

Arningkhan, Tatiwe Rekhat Thun Lakdap na chongtlo “…Waheb chela ka Supha wang na, kiimaq hiq thung tan thun kra; Arnon Rai kra,

Mark 4:34

Apaiq raq tsangshiq ma tra hokuq wantlaq akhing na, akha shiiton manphan setiim maq siisaq chong kuqto. Shatmaq, ajaqshisetiim rai tsangshiq honhon sitlaq liipan niika, tsangshiq ma kra shiiton wantaq liichum thun kra tru chongkuq tlo.

Luke 24:25

Kiijiishe, Jesuq raq tsangnai ma chongto, “O angi we nai le! Shammibi raq achongthü bomtsi kiima kamwan tsii man nya! Atinkhan langlang dea tiinan shan rai tlan nya!

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 1:45

Kiimaq Philip ka Nathaniel rai riihumto. Raüta, apaiq ma chongto, “Naishiq raq Najareth hiqti Joseph se, Jesuq rai riihumkai. Apaiq miitu ka Mosheq raq Thungtri lakdap na waiq thüto. Kiimaq, shammibi riimin waiqthüto.”

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

John 5:37

Kiimaq ngi tiikaiti i We riimin la, ngi miitu tengteng hakhi kuqtlo. Namshiq raq apaiq bom ka jangshi min tai man shaq li. Kiimaq apaiq sham kiimin chhi man shaq li.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

Acts 3:22

Arka, man na Mosheq raq chongkuq thütaq kriishe hong wanto. Mosheq raq akha chong thüto, ‘Tati Shiikeawe raq ngi ka namshiq miitu shammi ma jamkho shongtaq, kiikhiisii hali, apaiq raq namshiq miitu shammiwe weshi hali mishongkuq wan nong. Kiimaq apaiq ka namshiq nok phan wa mitsea wan. Namshiq nok raq, apaiq aming kra wiita phaqchii nichii maq lang chang miraq.

Acts 3:24

Kiimaq, Shiikeawe raq atiichong tsütsa chongketi shammibi thun wiitarü raq, Shammi we Samuel pat maq pha raüta, apaiq jai na shammibi ümchuwa dong wantaq kriiti thun wiita raq, ara ümchaü bala jamlai phan mra wa pinrai wantaq, arthun arka, mihong wan dongdii nguta chongke wanje she dongdii riito.

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

Acts 8:35

Kiijiishe, Philip raq ara phat wantaq lakdap kiimaq phaho raüta, asii bomtsi wa Jesuq manphan Tsütsa Ahea kra tiitho tiipha she chongkuqto.

TRI CHONGKE 1:45

Kra ningkhan she namshiq raq Tatiwe jaq wa khrum jaü hoq trang lan. Shatmaq apaiq raq namshiq achu jaü ka tre mak riito. Kiimaq namshiq hoqsii trang lan kriika akhiismin bro riimak riito.

TRI CHONGKE 18:15

Shatmaq apaiq raq namshiq ma namshiq phong wa shammi weshi tsea raüta ngi akha namshiq phana mitiiki. Kiimaq namshiq raq apaiq bom ka tai ratlo.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.