Luke 23:5 - ASII LAKDAP Bible (BSI)

⁵ Shatmaq, tsangshiq raq kra thaq na achaq awaq miishe, “Apaiq raq trahokuqtlaq kra lümaq, Judia wang tlotli na mungshuk tatso wa she tiinyai chaqto. Apaiq raq ara traho bomchong kewan arka, Gelili wang maq phaho raüta, ümchaü sanha, ajiishe saühoto,” nguta khoti kha nyan bomtsi kriika tiitsin wan wan she riito.

Hawa Naga Bible 2001

⁵ Yuq muinz tsuingshiq kuex kvjaz tvyungc vtueq, “Vruex waz kuex Galile mungx maq phaungc vtueq majuiuc vyuq nuex httuiuc laz, Yuda mungx wvmungx tuimx nuex vpiq rueq tvluing jungphvnx vtueq, mungx miqsaz htenc kuex tvrvmulc tsvrc laz juing jungphvnx yaq,” ngoz tueq ramc wuez tueq.

Muklom

⁵ Etharin ning aa kachang chang aa ang hun ang ching ta rong tharal ta, “Piq aa Judea thaji miqtang ma uraaq tatal eq ning jaktung o thamol hit cham ang aa ta ko aa. Piq aa Galilee wang phang som eq inángduk irimal hun somlo aa.”

Luke 23:5 Referencias Cruzadas

Tvtsvmc 22:16

Abi kiimungti kong ka ngi tro na; hikong raq akaq ma tam wantlaq ikha ngi tam wanto, tsangshiq raq ijaq wiinai kiimaq ihok wiinai ka chaiphaq wanto.

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

Tvtsvmc 69:4

Ngi ka khahü na ngengtibi ka ikhubin thaq niimin pahea wealot mang. Ijaqtinok raq ikhu thaq na arot bom pahea chongtlo; tsangshiq ka ahong alakong kiimaq ngi tseabaiq tantlo. Ngi raq hukmang kiimin huklaü nguta tsangshiq raq ngi ma tiithamtlo.

Matthew 11:1

Jesuq raq ajaqshisetiim roqshi ri wenai ma arthun tsii chongke bomtsi ara chongkuq lot raütiishe, apaiq ka kra hiqshong tro na chela ahin asi, kiina trahoke kai nai Shiikeawe bomtsi kra shrinkekai nguta kihoto.

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Mark 1:14

Johan ka phaqtek na ashaq wi niishe, Jesuq ka Gelili wang na wa raüta, Shiikeawe Tsütsa Ahea ka akha chongkuqto,

Luke 11:53

Jesuq ka kiiwa tiido wan jai she, Thungtri shrinketibi nai Phorisinok raq apaiq ka achaq awaq maq longliiqto. Kiimaq phanrap khuthaq na seng raüta, tsangshiq raq apaiq ma bom ka sidi waisoto.

Luke 23:23

Shatmaq, tsangshiq ka tsangdang kra khoki nam nam miishe, tiihong raüta Jesuq ka tübaiq ra dongdii nguta gitrang wanto. Kriikha miishe, tsangshiq bom niishe dea kha ka tiisupto.

Luke 23:6

Pilat raq ara tai raüta, “Riita arwe arka Gelili hiqti sha?” nguta waito.

John 1:43

Kiimaq napjai ranaiq niishe, Jesuq ka Gelili hiq nü na wawan miitu tiijeto. Kra akhing na apaiq raq Philip ka chhito. Krai mren, “Philip, ümniika ngi rai wa i!” nguta apaiq raq Philip ka hea wanto.

John 19:15

Kiijiishe, tsangshiq raq, tüsaiqsaiq she hali, “Apaiq ka tsatbaiq ronglaq! Apaiq ka tsatbaiq ronglaq! Apaiq ka pumsongkham na tübaiq tlo ronglaq!” ngutiishe agi lülü she gitrang nongto. Kiijiishe, Pilat raq hali tsangshiq ma, “Riita, nam hokham we ka ngi riisha mitübaiq ha?” nguta bom ka mungmaiqse kiima hali wai nongto. Kiijiishe, ramwe jongbi raq, “Naishiq ma hokham ka Roman Hokham we sitlaq kli!” nguta Pilat bom ka tre nongto.

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 7:41

Jesuq raq ara traho bomtsi chongkuqtaq ara tai raüta, maiq wiijamti raq, “Arwe arka Khristo dea ahata!” nguta riibomto. Shatmaq, tsangshiq phong wa maiq wiijamti riika, “Khristo ka Gelili hiq shong wiika poki mak miraq!

John 7:52

Kra tai raütiishe, tsangshiq raq, “O, ngo mai ri ahea kata. Ümniikiimin la Gelili hiqshongti sii dea riimak sha? Asii Bomtsi ka samhea phat laüta liiwan liina. Laüta, Gelili hiqshong wiika Shiikeawe shammi ka dong mak nguta bom chongtlaq kra misap haü,” nguta apaiq bom ka treto.

Acts 10:37

Johan raq Gelili wang maq tsantsii klai lanta kham lam wan ronglaq nguta, trahokuqto. Kiimaq tiichap wan raütiishe, Israilnok mung na phoili, jaqsham jonghea ashi sham wanto. Kriika ümniiriimin asap haü.

Acts 23:10

Krai mren she, tsangshiq tatso liipan na bom riikhii rai wantaq kriika, henghea riiwan wan she heng wanto. Kra chhi raütiishe, siihiipjong we ka, athi makjaq kharong khoti riijiiq la, tsangshiq raq Paul ka tsat nyat baiqjiiq la ngutiishe, ahai she riito. Kriikha miishe, apaiq raq phenlanok ma, tsangshiq phong na kiraüta Paul ka peruk mong jam kiijiishe shea wan tlo ronglaq nguta aming kuqto.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Acts 7:54

Stephen raq traho bom chongke kra tai raütiishe, Rung na ngati welabi thun ka, tsangshiq tsankhiq trang ka, walü tlaq ikhiishe amok dungdung khiqtrangto. Kiimaq, tsangshiq tsankhiq tsi ma, tsangwi tiitsan watrang liishe riito.

Acts 7:57

Kra ngo ka tai raütiishe, Rung na ngati welabi thun ka hong raüta, agiwa trang liishe, tsangshiq nipu ka maiqmii jaq maq sukrang riito. Raüta, tsangshiq ka apaiq phana phong rang she, apaiq ka bok wantlii riito.