Luke 23:31 - ASII LAKDAP Bible (BSI)

³¹ Riita, ümchaü pesang chong ma santla, atinkhan tiichamchao tlaq jiika, peshin chong miishe ka ümtinkhan she wa tiichamchao wan jiiq riila?” nguta Jesuq raq tsangshiq ma tsii chongkuqto.

Hawa Naga Bible 2001

³¹ Vjungx tvraungx httax yaq nuex doc muinz vruex lvmz htenc vkhoc yaungx ruiux kuex, vshanc rvwvnc ruiux yuq yvmx khoc lac yaungx wvnc tvnx?” ngoz tueq.

Muklom

³¹ Chammatakoi bang achi tok o irimal ang ajo bang khukti ajo chamal angna sey?”

Luke 23:31 Referencias Cruzadas

TAKSU LAK 11:31

Kechu maiqse raq mangjonghiq miili, poksi lapwan tlaq jiika, abi kloti nai ngarai tangti riika, chamchao mo ka miho dongdii.

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Luke 23:30

Kra akhing na, maiqse angu raq, ‘Naishiq ara pat baiq wan tlo laq!’ nguta pum kaü krai mirbom. Kiimaq kin kaü kra nangnga, ‘Naishiq ara paü liilii!’ nguta mingu.

Luke 23:32

Maiqwe nai anai, tsangnai wiita matwe naisii riito. Kriimin, Jesuq rai lakshi na tübaiq wan miitu sheahoto.

John 15:6

Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

Hebrews 6:8

Shatmaq, hiq phu ba kriika, shukrü nai sangphii riili long wan lili raü jiika, kra ba hiq phu ka jam riichang min riimak she. Kra she ngu raü ka, Shiikeawe manson hophaq chang li she miraq. Raüta kra ba ka, wa maq chaq baiq changli she miraq.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.