Luke 22:70 - ASII LAKDAP Bible (BSI)

⁷⁰ Kiijiishe, tsangshiq tarü raq, “Riita ümniika Shiikeawe Se dea sha?” nguta waito. Kiijiishe, “Ngi ka apaiq kiidea nguta namshiq raq ngutlan kata,” nguta apaiq raq tsangshiq bom ka treto.

Hawa Naga Bible 2001

⁷⁰ Tsuingshiq lotlaz rueq, “Kvkhoc ngoz ruiux mnoz kuex Tishox Saz doc haz?” ngoz tueq wiz tueq. Vpiq rueq tsuingshiq muex, “Nuimshiq rueq jungx vshuinx kvkhoc ngaz rvtauk,” ngoz tueq.

Muklom

⁷⁰ Ning thaji aa batta, “Nang raa Shkewa sa i?” Piq aa ning ma thawel batta, “Nga raa ta nim aa battin.”

Luke 22:70 Referencias Cruzadas

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Matthew 26:25

Kiijiishe matwe Judas Iskariot raq, “Shrinketi we ümniiraq ara ngi nang ngo ka riimak ahiq na?” nguta Jesuq ma waito. Kiijiishe, “Ümniiraq ümnü maq ngu tlaü,” nguta Jesuq raq apaiq bom ka treto.

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 27:11

Jesuq ka Roman Wanghupti we rung na tiichapto. Pilat raq Jesuq ma, “Ümniika Jehudinok Hokham we dea sha?” nguta waito. Kiijiishe, “Ümniiraq ngutlaü kata,” nguta Jesuq raq apaiq bom ka treto.

Matthew 27:43

Apaiq raq Shiikeawe ma kamtlo. Kiimaq apaiq ka Shiikeawe Se nguta tiichong tlo. Ahea kata. Ikhiijiika, ümchaü Shiikeawe raq apaiq ka mitiichhii kuq sha, tiichhii kuq mak wa riijiiq, kra lii rong i shaq!” nguta slailiisiqto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Mark 14:62

Kiijiishe Jesuq raq, “Üm,” nguta apaiq bom ka treto. Raüta apaiq raq, “Riita ümchaü sanha namshiq wiitarü raq Maiq Se ka, Ajong Shiikeawe ma jaqtsi nü na nga raü she michhi han. Kiimaq apaiq ka phum thaq na nga raüta, mangjong hiq na akairai she michhi han!”

Mark 15:2

Kiijiishe Pilat raq Jesuq ma, “Riita, ümniika Jehudinok hokham we dea sha?” nguta waito. Kiijiishe, “Ümniiraq ngutlaü kata,” nguta Jesuq raq Pilat bom ka treto.

Luke 22:71

Kiijiishe, “Nashiq ma laihin saqse hakhi ngo min ra mak she! Apaiq raq jamlai wa ngutaq, kra nashiq raq maiqmii ni miishe taikai!” nguta tsangshiq liipan na bom ka riichongto.

Luke 23:3

Kiijiishe, Pilat raq, “Riita ümniika Jehudinok hokham we dea sha?” nguta Jesuq ma waito. Kiijiishe, “Ümniiraq ngutlaü kata,” nguta Jesuq raq apaiq bom ka treto.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 10:30

I We nainai ka ashi li.”

John 10:36

Riita ngi arka I We raq dadüdü atsea riiwan raüta mangjong hiq na tiikito. Kriikha maq, ngi ka Shiikeawe Se nguta tiichong tiikang. Ara tiichong tiikang arkha na, namshiq raq ngi ma riikhiq apii ashut bom tlaü nguta kha ka jamkho nyan tlan?

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.